(بابر شہزاد تُرک) وفاقی حکومت نے مجموعی طور پر 47 افسران کو گریڈ 22 میں ترقی دے دی، 11 افسران کو گزشتہ روز 10 مارچ جبکہ 36 افسران کو 5 مارچ کو منعقدہ ہائی پاورڈ سلیکشن بورڈ کے اجلاس میں ترقی دی گئی ہے۔
تفصیلات کے مطابق وفاقی بیوروکریٹس کی گریڈ 21 سے 22 میں ترقی کیلئے 2 سال کے تعطل کے بعد نائب وزیراعظم اسحاق ڈار کی سربراہی میں منعقدہ ہائی، اجلاس میں وزیر دفاع خواجہ آصف، وزیر اسٹیبلشمنٹ ڈویژن احد چیمہ، چیئرمین پاکستان پیپلزپارٹی بلاول بھٹو زرداری، سیکریٹری کابینہ ڈویژن کامران علی افضل، سیکریٹری اسٹیبلشمنٹ ڈویژن انعام اللہ خان دھاریجو نے شرکت کی،ذرائع کے مطابق یہ ہائی پاورڈ سلیکشن بورڈ کا پہلا اجلاس ہے جو اسٹیبلشمنٹ ڈویژن میں منعقد ہوا اور اِس کی صدارت وزیر اعظم نے خود نہیں کی بلکہ وزیراعظم کے نامزد وزیر نے کی۔
پاورڈ سلیکشن بورڈ نے رواں ماہ 5 مارچ اور گزشتہ روز 10 مارچ کو 2 مراحل میں اپنی کارروائی مکمل کرتے ہوئے مجموعی طور پر 47 افسران کو گریڈ 21 سے 22 میں وفاقی سیکریٹری کے عہدے پر ترقی دینے کی منظوری دی ہے تاہم فیڈرل بورڈ آف ریونیو کے افسران کی آسامیاں اسلام آباد ہائی کورٹ کے حکم امتناعی کی وجہ سے اجلاس میں زیرِ غور نہیں لائی گئیں۔
اسٹیبلشمنٹ ڈویژن کی جانب سے جاری کردہ اعلامیہ کے مطابق ہائی پاورڈ سلیکشن بورڈ نے گزشتہ روز 10 مارچ کو 11 افسران اور گزشتہ ہفتے 5 مارچ کو 36 افسران کو گریڈ 22 میں ترقی دینے کی سفارش کی ہے، گزشتہ روز جن 11 افسران کو گریڈ 22 میں ترقی دی گئی اُن میں انفارمیشن گروپ کی ایک اسامی پر سیکریٹری وزارتِ اطلاعات اور ایم ڈی پی ٹی وی عنبرین جان، سیکرٹریٹ گروپ کی 5 اسامیوں کیلئے ظہور احمد، ڈاکٹر نواز احمد، عائشہ حمیرا چوہدری، حماد شمیمی اور محمد اسلم غوری، پاکستان آڈٹ اینڈ اکاؤنٹس سروس کے شہزاد حسن، عمار نقوی، پوسٹل گروپ کےسمیع اللہ خان، ریلویز کے سید مظہر علی شاہ اور اکانومسٹ گروپ کے ڈاکٹر امتیاز احمد کو گریڈ 22 میں ترقی دینے کی منظوری دی گئی ہے۔ْ
یاد رہے کہ ہائی پاورڈ سلیکشن بورڈ نے 5 مارچ کو منعقدہ اجلاس کے پہلے مرحلے میں پاکستان ایڈمنسٹریٹو سروس کے 19 افسروں کو گریڈ 22میں ترقی کی سفارش کی ہے۔
ترقی پانے والے افسران میں سیکریٹری نیشنل فوڈ سیکورٹی وسیم اجمل چوہدری، ایڈیشنل سیکریٹری سائنس اینڈ ٹیکنالوجی عنبرین رضا، تقرری کے منتظر علی طاہر، سیکرٹری نجکاری کمیشن عثمان اختر باجوہ، سپیشل سیکرٹری اقتصادی امور محمد حمیر کریم، ایڈیشنل سیکرٹری مذہبی امور سید عطاء الرحمان، سیکریٹری توانائی سندھ مصدق احمد خان، چیئرمین ایف بی آر راشد محمود لنگڑیال، سیکریٹری پیٹرولیم ڈویژن مومن آغا، سیکریٹری وزارت صحت ندیم محبوب، سیکریٹری تعلیم محی الدین احمد وانی، تقرری کے منتظرداؤد محمد بریچ، سپیشل سیکریٹری وزارت تجارت شکیل احمد منگیجو، ایڈیشنل سیکریٹری قومی سلامتی ڈویژن سعدیہ ثروت جاوید، وزیراعظم کے سیکریٹری اسد الرحمان گیلانی، امریکہ میں ٹریڈ منسٹر علی سرفراز حسین، چیف سیکرٹری پنجاب زاہد اختر زمان، چیئر مین پلاننگ اینڈ ڈویلپمنٹ بورڈ پنجاب نبیل احمد اعوان اور ایڈیشنل چیف سیکرٹری پنجاب احمد رضا سرور شامل ہیں۔پولیس سروس آف پاکستان کےترقی پانے والے 8 افسران میں ایڈیشنل سیکریٹری وزارتِ مواصلات بی اے ناصر، آئی جی پولیس سندھ غلام نبی میمن، ایڈیشنل آئی جی پنجاب محمد فاروق مظہر، ایڈیشنل آئی جی سندھ عمران یعقوب منہاس، تقرری کے منتظر عبدالخالق شیخ، ایڈیشنل آئی جی موٹر وے پولیس محمد زبیر ہاشمی، نیشنل سکول آف پبلک پالیسی میں تعینات محمد شہزاد سلطان اور آئی جی ریلوے پولیس رائے محمد طاہر شامل ہیں۔
ذرائع کے مطابق گریڈ 22 کیلئے ترقی کی دوڑ میں شامل پاکستان ایڈمنسٹریٹو سروس کے جن 13 افسران کو ترقی نہیں مل سکی، اِن افسران میں سیکریٹری سائنس اینڈ ٹیکنالوجی ساجد بلوچ، آمنہ عمران خان، عثمان چاچڑ، ارم بخاری، اسد اسلام ماہنی، کیپٹن(ر) سید وقار الحسن، مجتبیٰ پراچہ، کیپٹن(ر) محمود، جودت ایاز، کیپٹن (ر) آصف، طارق وقار بخشی، احسن علی منگی اور حسن محمود یوسفزئی شامل ہیں۔
فارن سروس آف پاکستان سے تعلق رکھنے والے ترقی پانے والے 9 افسران میں احمد نسیم وڑائچ، رحیم حیات قریشی، عاصم افتخار احمد، رضوان سعید شیخ، سید احسن رضا شاہ، فیصل نیاز ترمذی، نبیل منیر، ثقلین سیداں اور ترجمان دفترخارجہ شفقت علی خان شامل ہیں۔
یہ بھی پڑھیں : وزیر پٹرولیم علی پرویز ملک نے عہدے کا چارج سنبھال لیا