ہلکی بارش اور پہاڑی علاقوں میں برفباری کی پیشگوئی

(24 نیوز) محکمہ موسمیات نے ملک کے  بیشتر علاقوں میں موسم خشک رہنے،  کئی علاقوں میں ہلکی بارش اور بالائی علاقوں میں پہاڑوں پر برفباری کا امکان ظاہر کیا ہے۔

محکمہ موسمیات کے مطابق اتوار کے روز آج ملک کے بیشتر علاقوں میں موسم خشک جبکہ رات کے اوقات میں سرد رہنے کا امکان ہے تاہم گلگت بلتستان اور بالائی خیبر پختونخوا میں چند مقامات پر بارش کی توقع ہے۔

موسم کا حال بتانے والوں کا کہنا ہے کہ  پیر کے روز  گلگت بلتستان ، کشمیر، بالائی خیبر پختونخوا ، مری اور گلیات، میں مطلع ابر آلود رہنے کے علاوہ بارش اور پہاڑوں پر ہلکی بارفباری ہو سکتی ہے۔

اس کے علاوہ خطہ پوٹھوہار اور شمال مشرقی پنجاب میں مطلع جزوی ابر آلود رہنے کے علاوہ چند مقامات پر تیز ہواؤں اورگرج چمک کے ساتھ بارش کا امکان ظاہر کیا جا رہا ہے۔

یہ بھی پڑھیں : پنجاب میں دھند اور سموگ کا راج ،موٹر ویز بند،شہریوں کا سانس لینا محال ہوگیا