(فیاض جعفری) عام انتخابات میں دھاندلی کے الزام پر خیرپور کے حلقہ این اے 227 میں پاکستان پیپلز پارٹی سے تعلق رکھنے والے نومنتخب ایم این اے عرفان لغاری کو گرفتار کرلیا گیا۔
تفصیلات کے مطابق خیرپور کے حلقہ این اے 227 میں مبینہ دھاندلی کے الزام پر پیپلز پارٹی کےنومنتخب ایم این اے عرفان لغاری کو گرفتار کر کے نامعلوم مقام پر منتقل کردیا گیا۔
ذرائع کے مطابق لغاری پردھاندلی کے ذریعے سیٹ جیتنے کا الزام لگانے کے بعد درجنوں مسلح افراد نے رات گئے ریٹرننگ افسر کے دفتر پر حملہ کیا جبکہ مسلحہ افراد کی جانب سے شدید فائرنگ بھی کی گئی تھی اور بیلٹ بکس چوری کرنے کی کوشش کی گئی تھی،بعد ازاں پولیس نے عرفان علی لغاری کو گرفتار کرکے نامعلوم مقام پر منتقل کردیا۔
یہ بھی پڑھیں:رانا ثنااللہ کی منفرد انداز میں میڈیا پر تنقید صارفین کے ردعمل نے لیگی رہنما کو سرپرائز دے دیا
خیال رہے کہ عرفان علی لغاری نے این اے227 کی نشست ایک لاکھ 4 ہزار 13 ووٹ لے کر کامیابی حاصل کی جبکہ ان کے حریف جی ڈی اے کے امیدوار لیاقت علی جتوئی نے صرف 93ہزار 956 ووٹ حاصل کیے۔