ومیکا گابی اکشے کمار کی فلم"بھوت بنگلہ"کاحصہ بن گئیں
فلم کی شوٹنگ جے پور میں جاری،2 اپریل 2026ء کو ریلیز کرنے کااعلان کردیاگیا
Stay tuned with 24 News HD Android App
(ویب ڈیسک)بھارتی اداکارہ ومیکا گابی نے بالی ووڈ کے سپرسٹار اکشے کمار کی فلم "بھوت بنگلہ" کی شوٹنگ شروع کر دی۔
بھارتی میڈیا کے مطابق اکشے کمار ان دنوں جے پور میں اپنی نئی فلم "بھوت بنگلہ" کی شوٹنگ میں مصروف ہیں جس میں ومیکا گابی بھی شامل ہوگئی ہیں۔
اداکارہ نے اس حوالے سے اپنے سوشل میڈیا اکاؤنٹ پر اپنی ایک تصویر بھی شیئر کی ہے جس میں انہوں نے اپنا چہرا چھپا رکھا ہے۔
اس سے قبل رواں ہفتے فلم کی کاسٹ میں شامل سینئر اداکار پریش راول نے بھی فلم کے سیٹ سے اپنی اور اکشے کمار کی تصویر سوشل میڈیا پر شیئر کی تھی۔
اکشے کمار نے گزشتہ ماہ سوشل میڈیا پر فلم کا پہلا پوسٹر بھی ریلیز کیا تھا جس میں انہوں نے اس فلم کو 2 اپریل 2026ء کو ریلیز کرنے کااعلان بھی کیا۔
یہ بھی پڑھیں:سوشل میڈیا چھوڑنے کا فیصلہ کیوں کیا تھا؟ یشما گل نے اہم انکشاف کردیا
بھارتی میڈیا کے مطابق "بھوت بنگلہ" ایک ڈراؤنی لیکن مزاحیہ فلم ہے جسے اکشے کمار اور ایکتا کپور کے پروڈکشن ہاؤسز مشترکہ طور پر پروڈیوس کررہے ہیں۔