ملک بھر میں آٹے کے بحران کا خدشہ

( ویب ڈیسک) فلور ملز ایسوسی ایشن کی ہڑتال کی وجہ محرم الحرام کے دوران ملک بھر میں آٹے کے بحران کا خدشہ پیدا ہوگا۔

تفصیلات کے مطابق ود ہولڈنگ ٹیکس کے باعث کراچی کی 95 فلور ملز نے گندم کی واشنگ روک دی ہے جس کے باعث آٹے کے بحران کا خدشہ پیدا ہوگیا ہے،فلور ملز ایسوسی ایشن نے جمعرات سے گندم کی پسائی روک کر ملک بھر میں ہڑتال  کا اعلان بھی کر دیا ہے۔

چیئرمین فلور ملز سندھ زون عامر عبداللہ کا کہنا تھا کہ جمعرات سے گندم کی پسائی بھی روک دیں گے اور کراچی میں آٹے کی سپلائی بھی بند ہو جائے گی، انہوں نے کہا کہ گندم کی واشنگ بند ہونے سے لیبر فارغ بیٹھی ہے، ایسوسی ایشن نے تمام فلور ملز احتجاجاً غیرمعینہ مدت کے لیے بند کرنے کا اعلان بھی کیا ہے۔

یہ بھی پڑھیں: پروٹیکٹڈ صارفین کو اوور بلنگ، ایف آئی اے نے سابق ایم ڈی پی پی ایم سی کو طلب کرلیا