کراچی میں پارک کی کھدائی کے دوران اسلحہ برآمد

(مبشر حسین) کراچی کے علاقے سرجانی ٹائون میں پارک کی کھدائی کے دوران بوریوں میں دفن اسلحہ اور سیکڑوں گولیاں برآمد کر لی گئیں۔

پولیس کے مطابق سیکٹر ایل ون سن رائز پارک کی تزین آرائش کے کام کے دوران مدفون اسلحہ ملا ہے،یونین کونسل کی انتظامیہ پارک میں واکنک ٹریک بنانے کے لئے کھدائی کر رہی تھی کہ وہاں سے اسلحہ برآمد ہوا، برآمد اسلحہ میں3 ایس این جی، ایک ایل ایم جی ، کچھ میگزین اور گولیاں شامل ہیں۔

ایس ایچ او سرجانی ٹاؤن غلام حسین پیزذادہ کا کہنا ہے کہ برآمد ہونے والا اسلحہ برسوں پرانا زنگ آلود اور ناقابل استعمال ہے،برآمد اسلحہ 20 سے 25 سال پرانا معلوم ہوتا ہے،ان کا مزید کہنا تھا کہ اسلحہ چونکہ استعمال کے قابل نہیں اس لئے مقدمہ درج نہیں ہوگا،اسلحہ برآمدگی کے حوالے سے کاغذی کارروائی کی جائے گی۔

یہ بھی پڑھیں: راولپنڈی:قبرستان کے قریب ویرانے سے تشدد زدہ لاش برآمد