روس، مسافر بس پل سے دریا میں گر گئی، 7 افراد ہلاک

(ویب ڈیسک)روس کے سینٹ پیٹرزبرگ میں ایک مسافر بس پل سے دریا میں گر گئی، حادثے کو سی سی ٹی وی نے ریکارڈ کر لیا، حکام کے مطابق کم از کم 7 افراد ہلاک ہوچکے ہیں۔

غیرملکی خبر رساں ادارے کے مطابق روسی حکام نے بتایا کہ شمالی روس کے شہر سینٹ پیٹرزبرگ میں ایک بس کے دریا میں گرنے سے 7 افراد ہلاک ہو گئے جس میں ایک اندازے کے مطابق 20 مسافر سوار تھے۔افسوس ناک واقعے کی سی سی ٹی وی فوٹیج سوشل میڈیا پر وائرل ہوگئی۔ویڈیو میں دکھایا گیا ہے کہ بس تیز رفتار سے ٹرن لیتی ہے اور سامنے آنے والی 2 گاڑیوں سے ٹکراتی ہے پھر کچھ ہی سیکنڈرز میں پل توڑتے ہوئے ندی گرگئی۔فوٹیج میں بس کو ندی میں بہتے دیکھا جاسکتا ہے۔سی سی ٹی وی فوٹیج میں راہگیروں کو پانی میں چھلانگ لگاتے ہوئے مسافروں کو بچانے کی کوشش کرتے ہوئے دکھایا گیا ہے۔روس کی تحقیقاتی کمیٹی نے کہا کہ واقعے کی تحقیقات شروع کر دی ہیں۔پولیس نے بتایا کہ بس میں تقریبا 20 افراد سوار تھے، بس کے ڈرائیور کو حراست میں لے لیا گیا ہے۔

یہ بھی پڑھیں: فیض آباد دھرنا کمیشن رپورٹ ،سپریم کورٹ نے اہم سوالات اٹھا دیئے