اداکارہ سونیا حسین کو سمیع خان کی سیٹ پر نماز ادا کرتے ویڈیو شیئر کرنا مہنگا پڑ گیا،مداح برس پڑے
Stay tuned with 24 News HD Android App
(24 نیوز)اداکارہ سونیا حسین کو سمیع خان کی سیٹ پر نماز ادا کرتے ہوئے ویڈیو سوشل میڈیا پر شیئر کرنا مہنگا پڑ گیا، جس پر مداحوں نے اداکارہ کو تنقید کا نشانہ بنا ڈالا۔
تفصیلات کے مطابق اداکارہ سونیا حسین نے عاطف اسلم کی نعت اللہ ہو اللہ کیساتھ اداکار سمیع خان کی سیٹ پر نماز پڑھتے ہوئے خوبصورت ویڈیو شیئر کی ہے ،جس میں دیکھا جا سکتا ہے کہ سمیع خان شوبزکی دنیا سے بے نیاز ہو کر اپنی نماز ادا کرنے میں مصروف ہیں، تاہم اداکارہ کے مداحوں کو ویڈیو شیئر بالکل بھی اچھا نہیں لگا اور سونیا حسین پر کھل کر برس پڑے۔
ایک صارف کا کہناتھا کہ آپ کو ایسا کرنے کی کیاضرورت تھی؟وہ اللہ کیلئے نماز ادا کررہے ہیں، لوگ کسی کی مرضی کے بغیر ویڈیو بنا کر شیئر کرنا نارمل کیوں سمجھتے ہیں۔
ایک اور صارف ثنا جاوید ارباب کاکہنا تھا کہ یہ لوگ بھی انسان ہیں، نماز پڑھتے ہیں، پتہ نہیں لوگوں کو یہ بات سمجھ نہیں آتی،
سعدیہ کاکہنا تھا کہ آپ اتنی پرتجس کیوں ہیں؟اگر وہ نماز پڑھ رہا تھا تو ویڈیو بنانے کی کیا ضرورت تھی، خود بھی پڑھ لیتی، ظاہر ایسے کرواتی ہیں کہ جیسے وہ وہ بہت عجیب کام کررہا ہے،بہن نماز فرض ہے اس کو انوکھا کام نہ سمجھو۔
تسنیم شیخ کا کہناتھا کہ بھائی جان ہاتھ تو ٹھیک رکھیں، الٹے ہاتھ رکھے ہوئے ہیں۔
اداکارہ سونیا حسین نے سمیع خان کی نماز ادا کرنے کی ویڈیو آئینے سے بنائی تواس میں اس دکھائی دے رہا ہے جیسے سمیع خان نے بایاں ہاتھ دائیں ہاتھ کے اوپر رکھا ہوا ہے، لیکن ایسا نہیں ہے ، ایک صارف رفعت کا کہناتھا کہ یہ آئینے کی وجہ سے ایسا دکھائی دے رہا ہے۔
یہ بھی پڑھیں: بولڈ لباس کی وجہ سے مشہور اداکارہ جھانوی کپور نے فوٹو گرافرز کو غلط زاویے سے تصاویر لینے سے روک دیا، ویڈیووائرل