پی ایس ایل 9: نسیم شاہ، افتخار احمد سمیت 9 پاکستانی کھلاڑیوں کی کیٹیگری اپ گریڈ

(افضل بلال) پاکستان سپر لیگ کے 9 ویں ایڈیشن کے لئے مقامی کھلاڑیوں کی کیٹیگریز اپ ڈیٹ کر دی گئیں، نسیم شاہ، افتخار احمد ، سرفراز احمد اور محمد حارث سمیت 9 کھلاڑیوں کی ترقی ہوئی ہے۔

پاکستان سپر لیگ (پی ایس ایل) 9 کے لئے مقامی کھلاڑیوں کی جاری کردہ تازہ ترین فہرست کے مطابق کوئٹہ گلیڈی ایٹر کے کپتان، سرفراز احمد کی کیٹیگری گولڈ سے ڈائمنڈ میں جبکہ نسیم شاہ اور افتخار احمد کی ڈائمنڈ سے پلاٹینیم کیٹیگری میں ترقی ہو گئی، پشاور زلمی کے وکٹ کیپر بلے باز محمد حارث کی گولڈ سے ڈائمنڈ جبکہ فاسٹ بولر سلمان ارشاد کی سلور سے گولڈ میں ترقی ہو گئی۔

یہ بھی پڑھیں: پاکستان سیمی فائنل میں پہنچے گا یا نہیں؟

پی ایس ایل سیزن 8 کے لیڈنگ وکٹ ٹیکر ملتان سلطانز کے فاسٹ بولر عباس آفریدی اور احسان اللہ دونوں کی ایمرجنگ کیٹیگری سے سیدھا گولڈ کیٹیگری میں ترقی ہو گئی۔

اسلام آباد کے وکٹ کیپر بلے باز اعظم خان اور پیس آل راؤنڈر فہیم اشرف کی گولڈ سے ڈائمنڈ کیٹیگری اور ذیشان ضمیر کی ایمرجنگ سے سلور کیٹیگری جبکہ مبسر خان کی ایمرجنگ سے گولڈ میں ترقی ہو گئی۔

کراچی کنگ کے طیب طاہر کی سلور سے گولڈ اور قاسم اکرم کی ایمرجنگ سے گولڈ میں ترقی ہوئی، لاہور قلندرز کے کامران غلام کی سلور سے گولڈ کیٹیگری اور زمان خان کی ایمرجنگ سے گولڈ کیٹیگری میں ترقی ہو گئی۔

???????? Dilchasp Khabar ????????

HBL PSL Draft Category Renewals

As we inch closer to the #HBLPSLDraft, let’s have a look at the 2️⃣0️⃣2️⃣4️⃣ category renewals! #HBLPSL9

Read more here: https://t.co/t5bZ99KxgB pic.twitter.com/9XFrcxoDHG

— PakistanSuperLeague (@thePSLt20) November 10, 2023

علاوہ ازیں کچھ کھلاڑیوں کی درجہ بندی میں ترقی کی بجائے تنزلی بھی ہوئی ہے جن میں کوئٹہ گلیڈی ایٹر کے محمد نواز ڈائمنڈ سے گولڈ، کراچی کنگز کے حیدر علی پلاٹینیم سے گولڈ، اسلام آباد یونائیٹد کے آصف علی پلاٹینیم سے ڈائمنڈ کیٹیگری میں آ گئے۔