انگلینڈ کی یونیورسٹیز کی ٹیوشن فیسیں بڑھانے کا فیصلہ

(ویب ڈیسک)تعلیم کیلئےولایت جانیوالے بھی اب بھاری فیسیں ادا کریں گے،برطانوی حکومت نے انگلینڈ کی یونیورسٹیز کی ٹیوشن فیسیں بڑھانے کا فیصلہ کرلیا۔

غیر ملکی خبر رساں ادارے کے مطابق سیکرٹری ایجوکیشن نے کہا کہ ٹیوشن فیس اپریل 2025 سے مہنگائی کے حساب سے بڑھے گی  اور ٹیوشن فیس  285 پاؤنڈ اضافے کے ساتھ 9535 پاؤنڈ ہو جائے گی۔

ضرورپڑھیں:خیبر پختونخوا کے پرائمری سکولوں میں 4 روز بعد تدریسی عمل بحال

میڈیا رپورٹس میں بتایا گیا ہےکہ ٹیوشن  فیسیں 2017 سے زیادہ سے زیادہ 9250 پاؤنڈ پر منجمد تھیں۔

دوسری جانب یونیورسٹی آف لیڈز کے اسٹوڈنٹس کا کہنا ہے کہ ٹیوشن فیس کے اضافے سے غریب طلبہ متاثر ہوں گے،مزید برآں  نیشنل اسٹوڈنٹس یونین نے ٹیوشن فیس میں اضافے کو بڑا دھچکہ قرار دیا ہے۔