(ویب ڈیسک)معروف اداکارہ مریم نفیس کے شوہرامان احمد بشریٰ انصاری کے داماد نکلے کیونکہ وہ مریم نفیس سے شادی سے قبل بشریٰ انصاری کی بیٹی میرا انصاری کے شوہر تھے.
مریم نفیس کے شوہر امان احمد سے متعلق یہ حیران کن انکشاف اس وقت سامنے آیا جب مریم نفیس نے اپنے پہلے بچے کی پیدائش کےلیے امریکا کے سفر کے دوران اپنے پاسپورٹ کی تصویر شیئر کی۔
سوشل میڈیا صارفین نے ان پر تنقید کرتے ہوئے کہا کہ وہ اپنے بچے کےلیے امریکی شہریت حاصل کرنا چاہتی ہیں، ایک صارف نے تبصرہ کرتے ہوئے انکشاف کیا کہ مریم نفیس کے شوہر امان احمد پہلے ہی امریکی شہری ہیں۔
سوشل میڈیا صارفین نے مزید انکشاف کیا کہ امان احمد معروف اداکارہ بشریٰ انصاری کے سابق داماد اور ان کی بیٹی میرا انصاری کے سابق شوہر بھی رہ چکے ہیں۔
بتایاجارہاہے کہ میرا انصاری سے امان احمد کی شادی 2000 کی دہائی کے اوائل میں ہوئی تھی، ان کے دو بچے بھی ہیں تاہم یہ شادی زیادہ عرصہ نہ چل سکی اور نومبر 2020 میں میرا انصاری نے نیویارک میں دوبارہ شادی کرلی۔
یہ بھی پڑھیں:اداکارہ سعدیہ غفار کے ہاں بیٹے کی پیدائش
امان احمد نے میرا انصاری سے علیحدگی کے بعد سال 2022 میں اداکارہ مریم نفیس سے شادی کی تھی،اب یہ جوڑا اپنے پہلے بچے کے استقبال کے لیے تیار ہے۔