روپے کے مقابلے میں ڈالر مہنگا ہو گیا

(اشرف خان )انٹربینک اور اوپن مارکیٹ میں روپے کے مقابلے میں ڈالر مہنگا ہو گیا۔

سٹیٹ بینک آف پاکستان کے مطابق انٹربینک میں امریکی ڈالر 9 پیسے مہنگا ہوگیا،انٹربینک میں ڈالر 279.17 روپے سے بڑھ کر 279.26 روپے پر بند ہوا۔

ماہرین کا کہنا ہے کہ درآمدی بل مسلسل دو ماہ سے 5 ارب ڈالر سے زائد ہونے پر روپے پر دباؤ ہے  ۔

دوسری جانب اوپن مارکیٹ میں امریکی ڈالر 2 پیسے مہنگا ہوکر 281.06 روپے،یورو 1.08 روپے اضافے سے  290.70 روپے، برطانوی پاؤنڈ 2.40 روپے مہنگا ہوکر 350 روپے پر پہنچ گیا۔

اوپن مارکیٹ میں یو اے ای درہم 76.54 روپے پر برقرارہے جبکہ سعودی ریال بھی 1 پیسے بڑھ کر 74.77 روپے کا ہوگیا۔

یہ بھی پڑھیں:مسلسل اضافے کے بعدسونے کی فی تولہ قیمت میں بڑی کمی