پھر نہ کہنا خبر نہ ہوئی!موسم سے متعلق اہم پیشگوئی

(روزینہ علی)محکمہ موسمیات نے کہا ہے کہ آج رات ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد رہنےکا امکان  ہے۔تاہم پنجاب کے بیشتر اضلاع اور با لا ئی سندھ میں درمیانی سے شدید دُھند چھائے رہنے کی توقع ہے۔

رپورٹ میں سوموار  کے روز موسم کے حوالے سے کہا گیا ہے کہ اسلام آباد اور گردونواح میں موسم سرد اور خشک رہے گا۔ تاہم صبح کے اوقات میں شدید سرد/کہرا پڑنے اور چند مقامات پر ہلکی دھند چھائے رہنے کی توقع ہے۔

یہ بھی پڑھیں:اہم فاسٹ بولر کا پی ایس ایل 10سے دستبردار ہونے کا اعلان

پنجاب کے بیشتر اضلاع میں موسم سرد اورخشک رہنے کا امکان ہے ۔ لاہور، شیخوپورہ، قصور ،ا وکاڑہ، ساہیوال ، سیالکوٹ، نارووال ،گوجرانوالہ، منڈی بہاؤالدین، جہلم، گجرات، میانوالی،بھکر، نور پور تھل، لیہ، رحیم یار خان، خان پور، بہاولنگر، بہاولپور، پاکپتن، خانیوال، وہاڑی، فیصل آباد، ٹوبہ ٹیک سنگھ، جھنگ، ڈی جی خان، اور گرد و نواح میں درمیانی سے شدید دھند چھاۓ رہنے کی توقع ہے ۔ تاہم مری، گلیات اورگردونواح میں موسم شدیدسرد اور صبح کے اوقات میں کہرا پڑنے کا امکان ہے۔

خیبرپختونخوا کے بیشتر اضلاع میں موسم سرداور خشک رہنے کا امکان ہے جبکہ پہاڑی علاقوں میں شدید سرد رہے گا۔تاہم صبح /رات کے اوقات میں بنوں،لکی مروت، ڈیرہ اسماعیل خان اور گردو نواح میں چند مقامات پر درمیانی سے شدید جبکہ پشاور، نو شہرہ، مردان اور صوابی میں ہلکی سے درمیا نی دھند چھائے رہنے کی توقع ہے ۔صبح کے اوقات میں با لا ئی ا ضلاع میں چند مقامات پر کہرا پڑنے کا امکان ہے۔

یہ بھی پڑھیں:سردی کی شدت میں اضافہ،ایجوکیشن ڈیپارٹمنٹ کا سکولوں سے متعلق اہم اعلان

بلوچستان کے بیشتر اضلاع میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنےکا امکان ہے ۔ تا ہم شمال مغربی اضلاع میں شام/رات کو مطلع جزوی ابرآلوود رہنے کی توقع ہے۔

سندھ کے بیشتر اضلاع میں موسم سرد اورخشک رہنے کا امکان ہے  ۔لیکن صبح/ رات کے اوقات میں سکھر ، شہید بینظیر آباد،شکارپور، کشمور، خیر پور، ٹنڈوجام اور گردونواح میں درمیانی سے شدید دھند پڑنے کی توقع ہے۔

رپورٹ کے مطابق کشمیر اور گلگت بلتستان میں موسم شدید سرد اور خشک رہنے کی توقع ہے۔

آج کم سےکم درجہ حرارت لہہ ، استور ، گوپس ،اسکردومنفی 10 ،بگروٹ ، کالام اور گلگت میں منفی 06 ڈگری سینٹی گریڈ ریکارڈ کیا گیا۔

یہ بھی پڑھیں:کوئٹہ گلیڈی ایٹرز کیساتھ راہیں جدا،سرفراز احمد نے اہم بیان داغ دیا