(ویب ڈیسک) سرِراہ موسیقی پر رقص کرنے کی ویڈیو کو تنقید کا نشانہ بنائے جانے پرسینئراداکارہ حنا خواجہ بیات کاردعمل آگیاہے۔
سینئر اداکارہ حنا خواجہ بیات نے انسٹاگرام پوسٹ میں لکھا کہ لندن کی ایک گلی میں موسیقار نے مجھے پہچان کر عزت دی تھی،آرٹسٹ نے بالی ووڈ کا مشہور گانا گایا جس پر میں نے اور وہاں موجود دیگر افراد نے اس کاحوصلہ بڑھانے کے لیے رقص کیا تھا۔
حنا خواجہ بیات نے کہا کہ میری ڈانس کی اس ویڈیو پر کافی لوگوں نے تنقید کی ہے جنہیں نہیں معلوم کہ جب کوئی آرٹسٹ آپ کو پہچان کر پرفارمنس کی دعوت دے تو نہ نہیں کیا جا سکتا،مجھے معلوم ہے کہ اگر کسی آرٹسٹ کے کام کی حوصلہ افزائی کی جائے تو اسے کتنی خوشی ہوتی ہے بس صرف اسی لیے میں نے رقص کیا تھا۔
حنا خواجہ بیات نے مزید کہا کہ خوشیاں بانٹنے سے خوشیاں بڑھتی ہیں اور جو لوگ یہ بات نہیں سمجھتے ہمیشہ پریشان رہتے ہیں۔
یہ بھی پڑھیں:میرے لیے رونے دھونے والے کردار کرنابہت مشکل ہے:سارہ خان
سینئر اداکارہ نے ڈانس ویڈیو پر تنقید کرنے والوں کو مشورہ دیاکہ اپنی سوچ کو مثبت رکھیں اور ہمیشہ خوش رہیں۔