شاہ رخ اورسلمان خان کی موت سے متعلق پیشگوئی: نجومی مشکل میں پھنس گیا

 (ویب ڈیسک)بالی ووڈکے سپرسٹارز سلمان خان اور شاہ رخ خان کی موت سے متعلق پیش گوئی پران کے مداحوں نے نجومی کو آڑے ہاتھوں لے لیا۔

معروف نجومی سشیل کمار سنگھ کی سلمان خان اور شاہ رخ خان کے بارے میں حال ہی میں کی گئی پیش گوئی نے سوشل میڈیا پر ہنگامہ برپا کر دیا ہے،نجومی نے دعویٰ کیا ہے کہ دونوں اداکار ایک ہی عمر میں دنیا سے رخصت ہوں گے، جس پر مداحوں نے سخت ردِعمل دیتے ہوئے ان کے بیان کو غیر ضروری قرار دیا ہے۔

سوشل میڈیا پر وائرل ہونے والی ایک ویڈیو میں سشیل کمار سنگھ نے کہا کہ شاہ رخ خان کی موجودہ زندگی کافی مستحکم ہے، لیکن سلمان خان کے لیے آنے والے سال خطرناک ثابت ہو سکتے ہیں۔

سشیل کمار سنگھ نے مزید پیش گوئی کی کہ سلمان خان جلد کسی بڑی بیماری میں مبتلا ہوں گے اور دونوں خانز 67 سال کی عمر میں اس دنیا سے رخصت ہوں گے۔

سوشل میڈیا پر کئی صارفین نے نجومی کے بیان کو غیر سنجیدہ قرار دیا ہے۔

کچھ صارفین نے یہ بھی کہاہے کہ دوسروں کی زندگی اور موت کے بارے میں ایسی قیاس آرائیاں کرنا ناصرف غیر اخلاقی بلکہ بے حد نامناسب بھی ہے،اب تک سلمان خان اور شاہ رخ خان نے اس معاملے پر کوئی ردِعمل نہیں دیا، اور دونوں اپنی آنے والی فلموں کی تیاریوں میں مصروف ہیں۔

شاہ رخ خان اس وقت اپنی اگلی فلم "کنگ" پر کام کر رہے ہیں، جس میں ان کی بیٹی سُہانا خان بھی ڈیبیو کر رہی ہیں،اس فلم کی شوٹنگ اسی ماہ شروع ہو گی اور 2026ء میں اس کی ریلیزکاامکان ہے ۔

یہ بھی پڑھیں:"اب دل کو سکون ملا ہے"سینئر اداکارہ شگفتہ اعجازنانی بن گئیں

دوسری طرف سلمان خان اپنی بڑی فلم"سکندر" کے لیے تیار ہیں جس میں ان کے ساتھ رشمیکا مندانا مرکزی کردار ادا کریں گی، یہ فلم اس عیدالفطر پر سینما گھروں کی زینت بنے گی۔