فلم"سوریاونشم"کی اداکارہ سندریاکے قتل میں کون ملوث ہے؟بڑادعویٰ سامنے آگیا

 (ویب ڈیسک) جنوبی بھارتی اداکار موہن بابو کے خلاف 2004 میں انتقال کرنےوالی اداکارہ سندریا کی موت میں ملوث ہونے کا الزام عائد کردیا گیا۔

بھارتی میڈیاکی رپورٹ کے مطابق موہن بابو کیخلاف آندھرا پردیش کے کھمم ضلع میں شکایت درج کرائی گئی ہے، جس میں ان پر 2004 کے طیارہ حادثے میں سندریا کی موت میں ملوث ہونے کا الزام لگایا گیا ہے۔

اداکارپر الزام لگایا گیا ہے کہ موہن بابو سندریا اور اس کے خاندان کے ساتھ جائیداد کے تنازع میں ملوث تھے اور انہوں نے اداکارہ پر اپنی زمین بیچنے کے لیے دباؤ ڈالا تھا۔

شکایت کنندہ کا دعویٰ ہے کہ موہن بابو نے ہوائی جہاز کے حادثے کے بعد جائیداد پر غیر قانونی طور پر قبضہ کیا تھا۔

واضح رہے کہ جنوبی بھارت کی اداکارہ سندریا نے مقبول  فلم"سوریہ ونشم" میں امیتابھ بچن کے ساتھ کام کیا تھا،2004 میں وہ اور ان کا بھائی کریم نگر میں ایک سیاسی مہم کے پروگرام میں جا رہے تھے جب ان کا طیارہ گر کر تباہ ہوا جس کے نتیجے میں ان کی موت واقع ہو گئی۔

یہ بھی پڑھیں:اروشی روٹیلا مہنگی ترین گاڑی خریدنے والی پہلی بھارتی اداکارہ

رپورٹس یہ بھی بتایاگیاہے کہ  سندریا اس وقت حاملہ تھیں اور اس حادثے کے بعد انکی لاش کبھی برآمد نہیں ہوسکی تھی۔