(24نیو ز) پنجاب کے میدانی علاقوں میں شدید دھند اور سموگ سے حدِ نگاہ میں کمی کے باعث موٹر و ے مختلف مقامات سے بند کردی گئی۔
تفصیلات کے مطابق موٹر وے ایم 4 کو پنڈی بھٹیاں سے عبدالحکیم تک، لاہور اسلام آباد موٹروے(ایم2) لاہور سے شیخوپورہ تک اور لاہور ملتان موٹروے (ایم 3 )لاہور سے درخانہ دھند اور سموگ کی وجہ سے بند کردی گئی۔
موٹروے پولیس نے شہریوں کو غیر ضروری سفر سے گریز کرنے کی ہدایت کی ہے ،ایمرجنسی کی صورت میں شہریوں کو جی ٹی روڈ پراستعمال کرنے کی ہدایت کی گئی ہے۔
ترجمان موٹروے پولیس سید عمران احمد کے مطابق موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے،روڈ یوزرز زیادہ سے زیادہ دن کے اوقات پر سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں۔
ترجمان موٹروے پولیس کا کہنا ہے کہ روڈ یوزرز آگے اور پیچھےدھند والی لائٹس کا استعمال کر یں،روڈ یوزرز غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں،روڈ یوزرز معلومات اور مدد کے لیے ہیلپ لائن 130 سے رابطہ کریں۔
یہ بھی پڑھیں: گلگت کوسٹر حادثہ،وفاقی وزیر داخلہ محسن نقوی کا اظہار افسوس