تحریک انصاف کوئی ڈیل نہیں چاہتی ہے:رؤف حسن

(24 نیوز)پاکستان تحریک انصاف کے رہنما رؤف حسن نے کہا ہے کہ تحریک انصاف آج بھی کسی ڈیل کی متلاشی نہیں ہے۔

رؤف حسن نے میڈیا سے گفتگو کرتے ہوئے کہا کہ سواتی صاحب جو کوشش کر رہے ہیں، اس پر میری رائے ہے کہ یہ معاملہ عوامی بحث کا حصہ نہ بنے، وہ پی ٹی آئی کا حصہ ہیں وہ جو کریں گے پارٹی کی ڈومین میں رہ کر کریں گے۔

انہوں نے کہا کہ ہم آئین وقانون کے مطابق ریاست سے ڈائیلاگ کرنا چاہتے ہیں، عمران خان کو ڈیل کرنی ہوتی تو وہ 2 سال جیل میں نہ رہتے۔

رہنما تحریک انصاف کا کہنا تھا کہ پچھلے دنوں میں بھی بانی پی ٹی آئی کو آفرز ہوئی ہیں، ہمارے راستے کھلے ہوئے ہیں، ہم بہت کچھ کر سکتے ہیں، ہم نے کبھی مذاکرات کے لیے دروزے بند نہیں کیے۔

ایک اور سوال کے جواب میں رؤف حسن کا کہنا تھا کہ پی ٹی آئی میں کوئی اختلافات نہیں، مختلف رائے ضرورہ ہیں۔

مولانا فضل الرحمان کی حمایت سے متعلق 15 تاریخ کا وقت ہے، مولانا فضل الرحمان ساتھ نہ ہوئے تب بھی ہماری تحریک شروع ہو جائے گی۔

یہ بھی پڑھیں :بلوچستان نیشنل پارٹی کا اے پی سی بلانے کا فیصلہ