صدر،وزیراعظم،وزیر داخلہ کا ایرانی سرزمین پر پاکستانیوں کے قتل پر گہری تشویش کا اظہار
Stay tuned with 24 News HD Android App
(24 نیوز ) صدر ،وزیراعظم، وفاقی وزیر داخلہ نے ایرانی سرزمین پر پاکستانیوں کے قتل پر گہری تشویش کا اظہار کیا ہے۔
صدر آصف زرداری نےاپنے بیان میں واقعے کی شدید مذمت کرتے ہوئے سوگوار خاندانوں سے تعزیت کا اظہار کیا اور ایرانی حکومت سے ملزموں کی جلد ازجلد گرفتاری کا مطالبہ کیا ۔
اپنے بیان میں وزیراعظم شہباز شریف نے ایران کے علاقے مہرستان، صوبہ سیستان میں 8 پاکستانیوں کے بیہمانہ قتل پر گہرے دکھ اور رنج کا اظہار کیا اور مرحومین کی مغفرت و اہل خانہ کیلئے صبر کی دعا کی۔
انہوں نے کہا کہ دہشتگردی کا ناسور خطے میں موجود تمام ملک کیلئے تباہ کن ہے، خطے میں موجود ممالک کو مل کر دہشتگردی کے خلاف مربوط حکمت عملی پر عملدرآمد کرنا ہوگا۔
شہباز شریف نے مطالبہ کیا کہ ایرانی حکومت ملزمان کو فوری طور پر گرفتار کرنے کے بعد قرار واقعی سزا دے اور اس بہیمانہ اقدام کی وجوہات عوام کے سامنے لائے۔
یہ بھی پڑھیں:جوتا چوری ہونے پر شہری نے پولیس بلا لی
وزیرِ اعظم شہباز شریف نے وزارت خارجہ کو پاکستانیوں کے اہل خانہ سے رابطہ کرنے اور ایران میں پاکستانی سفارتخانے کو ان کی میتوں کی بحفاظت واپسی کیلئے اقدامات کی ہدایت بھی کی ہے۔
دوسری جانب وفاقی وزیر داخلہ محسن نقوی نے بھی ایران میں پاکستانیوں کے قتل پر افسوس کا اظہار کیا ہے۔
اپنے بیان میں وفاقی وزیر محسن نقوی کا کہنا تھا کہ میری ہمدردیاں متاثرہ خاندانوں کے ساتھ ہیں، دکھ کی گھڑی میں مثاثرہ خاندانوں کے ساتھ کھڑے ہیں۔