عامر خان اور گوری سپراٹ کی ہاتھوں میں ہاتھ ڈالے تقریب میں شرکت
Stay tuned with 24 News HD Android App
(ویب ڈیسک)بالی ووڈکے "مسٹرپرفیکشنسٹ" عامر خان اور ان کی گرل فرینڈ گوری سپراٹ پہلی بار عوامی سطح پر ہاتھوں میں ہاتھ ڈالے شریک ہوئے۔
یہ جوڑا چین کے شہر مکاؤ میں منعقد ہونے والے انٹرنیشنل کامیڈی فیسٹیول میں ایک ساتھ نظر آیا،یہ پہلا موقع تھا جب عامر خان اورگوری سپراٹ نے ایک دوسرے کا ہاتھ تھامے سرِ عام کسی ایونٹ میں شرکت کی۔
کچھ ہفتے قبل ہی عامرخان نے اپنی 60 ویں سالگرہ کے موقع پر گوری سپراٹ کا میڈیا سے باقاعدہ تعارف کرایا تھا۔
تقریب میں دونوں نے روایتی ملبوسات پہن کر سب کی توجہ اپنی جانب مبذول کرا لی، عامر خان نے سیاہ رنگ کا نفیس کُرتا پاجامہ زیب تن کیاہواتھا، جس کے ساتھ خوبصورت شال اوڑھی ہوئی تھی،دوسری جانب گوری سپراٹ نے سفید رنگ کی خوبصورت پھول دار ساڑھی پہن رکھی تھی۔
یہ بھی پڑھیں:شاہ رخ خان میرے والد کے فین ہیں: ربیکا خان کاانکشاف
ایونٹ کے دوران عامر خان مسلسل گوری کا ساتھ دیتے رہے اور دونوں نے چینی فوٹوگرافروں کے لیے مسکراتے ہوئے تصاویر بھی بنوائیں، اس تقریب میں انہیں چینی اداکاروں شین ٹینگ اور ما لی کے ساتھ خوشگوار لمحات گزارتے دیکھا گیا، جہاں عامرخان نے گوری سپراٹ کا نہایت گرمجوشی سے تعارف کروایا۔