بھارت :موبائل فون کے استعمال سے منع کرنے پر لڑکی نے خود کشی کر لی

(24 نیوز)بھارت کے شہر بنگلورو میں ماں کی جانب سے موبائل فون استعمال نہ کرنے کا کہنے پر لڑکی نے اپارٹمنٹ کی 20 ویں منزل سے چھلانگ لگا کر خود کشی کر لی ۔

بھارتی پولیس کے مطابق واقعہ کدوگوڈی پولیس اسٹیشن کی حدود میں پیش آیا جہاں 15 سالہ لڑکی نے اپارٹمنٹ کی 20 ویں منزل سے چھلانگ لگا کر خودکشی کی،مرنے والی لڑکی کی شناخت اونتیکا چورسیا کے نام سے ہوئی ہے جو دسویں جماعت کی طالبہ تھی۔

مزید پڑھیں:ایلون مسک کے بیٹے نے تقریب کے دوران صدر ٹرمپ کو پریشان کر دیا،سوشل میڈیا پر تنقید
 
بھارتی میڈیا کے مطابق لڑکی ایک پرائیوٹ سکول میں پڑھتی تھی اور حال ہی میں اس کے ایک ٹیسٹ میں کم نمبر آئے تھے جبکہ 15 فروری سے سالانہ امتحانات بھی شروع ہو رہے تھے۔

اس تمام صورتِ حال کے دوران ان دنوں لڑکی زیادہ تر وقت موبائل فون استعمال کر رہی تھی،لڑکی کی والدہ نے اسے موبائل فون کے بجائے پڑھائی پر زور دینے کا کہا تھا جس پر پولیس کو شبہ ہے کہ والدہ کی بات سے ناراض ہو کر لڑکی نے اپارٹمنٹ کی 20 ویں منزل سے چھلانگ لگائی ہے۔