نامورموسیقار روبن گھوش کو بچھڑے9سال بیت گئے
وہ اداکارہ شبنم کے شوہر تھے،پاکستان میں آخری فلم جو ڈر گیا وہ مر گیاتھی
Stay tuned with 24 News HD Android App
(ویب ڈیسک) نامور موسیقار روبن گھوش کو مداحوں سے بچھڑے9سال بیت گئے،تاہم ان کی کمپوزکی ہوئی سریلی دھنیں انہیں آج بھی زندہ رکھے ہوئے ہیں,وہ پاکستان فلم انڈسٹری کی نامور اداکارہ شبنم کے شوہر تھے اور اس جوڑے کا شمار فلمی دنیا کی کامیاب جوڑیوں ہوتاتھا۔
روبن گھوش اپنی اہلیہ اداکارہ شبنم کے ہمراہ 1996 میں بنگلہ دیش منتقل ہو گئے تھے اور تقریباً تیرہ برس بعد 2012میں پاکستان واپس آئے تھے ،اس وقت ان کے اعزاز میں گورنرہاؤس لاہور میں ایک پروقارتقریب کاانعقادکیاگیاتھاجس میں اس وقت کے وزیراعظم سیدیوسف رضاگیلانی مہمان خصوصی تھے۔
روبن گھوش نے 1961 میں بنگالی فلموں سے اپنے فنی کیرئیر کا آغاز کیا تھا اور 10 سال بعد مقبول فلم "چندا" سے اردو فلموں میں شمولیت اختیار کی۔
روبن گھوش نے احساس،امنگ،چکوری،چاہت، شرافت،تلاش اور بندش جیسی کئی کامیاب فلموں کو اپنی موسیقی سے سنوارا لیکن فلم "آئینہ"کے گانوں نے انہیں مقبولیت کی بلندیوں پر پہنچا دیا۔
روبن گھوش نے پاکستان میں آخری فلم "جو ڈر گیا وہ مر گیا" کی موسیقی ترتیب دی تھی،انہیں پاکستان میں فلموں کے سب سے معتبر 6 نگار ایوارڈ حاصل کرنے کا اعزاز بھی حاصل تھا۔
یہ بھی پڑھیں:ناموراداکار،ہدایتکار،صداکار ضیا محی الدین کوبچھڑے دوبرس بیت گئے
روبن گھوش 76 برس کی عمر میں 13 فروری2016 کو ڈھاکا میں انتقال کرگئے تھے۔