سونیاحسین شان شاہدکےساتھ نئی فلم میں جلوہ گر ہوں گی
فلم کے نمایاں فن کاروں میں جاوید شیخ، میرا اور نیئر اعجاز بھی شامل ہیں
Stay tuned with 24 News HD Android App
(ویب ڈیسک) معروف اداکار شان شاہد اور اداکارہ سونیا حسین جلد نئی فلم میں ایک ساتھ جلوہ گر ہوں گے۔
سونیا حسین نے اپنی آنے والی فلم کے سیٹ سے چند تصاویر شیئر کی ہیں جو سوشل میڈیا صارفین کی توجہ کا مرکز بنی ہوئی ہیں۔
اس فلم کی ہدایات خود شان شاہد دے رہے ہیں جبکہ فلم کے نمایاں فن کاروں میں جاوید شیخ، میرا اور نیئر اعجاز جیسے بڑے نام بھی شامل ہیں، فلم کی شوٹنگ اس وقت پاکستان کے مختلف شہروں میں جاری ہے،مری اور اسلام آباد میں فلم کی شوٹنگ مکمل ہوچکی ہے۔
سونیا حسین نے اپنی فلم کے بارے میں ایک پیغام بھی لکھاہے "لائٹس، کیمرہ، ایکشن! اپنی اگلی فیچر فلم کا اعلان کرتے ہوئے بہت خوش ہوں! سنیما کے تجربے کے لیے تیار ہو جائیں جیسا کہ کوئی اور نہیں، محبت، ایکشن اور سنسنی سے بھری فلم، جو آپ نے پہلے نہیں دیکھا ہوگا اس کے برعکس ایک دلچسپ منصوبہ، آپ سب کے ساتھ اس سفر کا انتظار نہیں کر سکتی۔ مزید اپ ڈیٹس کے لیے جُڑے رہیں۔"
یہ بھی پڑھیں:نامورموسیقار روبن گھوش کو بچھڑے9سال بیت گئے
واضح رہے کہ سونیا حسین اس فلم کے حوالے سے بہت پرجوش ہیں،امید کی جارہی ہے کہ یہ فلم جلد سنیما گھروں کی زینت بنے گی۔