(ویب ڈیسک)معروف گلوکارعاطف اسلم نے سعودی عرب میں اپنی پرفارمنس کے حوالے سے چلنے والی افواہوں پربالآخرخاموشی توڑدی۔
عاطف اسلم نہ صرف پاکستان بلکہ بالی وڈ کے ہٹ گانوں کے لیے بھی جانے جاتے ہیں،عاطف اسلم نے ایک بیان میں ان افواہوں کی سختی سے تردید کی ہے جن میں کہا گیاتھا کہ انہوں نے سعودی عرب میں مقدس مقامات کے قریب فن کامظاہرہ کرنے سے انکار کیا ہے۔
عاطف اسلم نے اس حوالے سے اپنے بیان میں کہا کہ یہ عجیب ہے کہ میرے نام سے وہ باتیں منسوب کی جاتی ہیں جو میں نے کبھی کہی ہی نہیں۔انہوں نے میڈیا اورفن کار برادری پر زور دیا کہ وہ کسی بھی بیان کی سچائی کو جانچنے کے بعد ہی رپورٹ کریں۔
معروف گلوکار نے وضاحت کی کہ ہم نے ماضی میں ریاض میں پرفارم کیا ہے جو ہمارے مؤقف کا بہترین ثبوت ہے۔
یہ بھی پڑھیں:اجوکادوستی انٹرنیشنل تھیٹرفیسٹیول: چوتھے روزکھیل "مٹی نہ ہووے مترئی"پیش کیاگیا
عاطف اسلم کا یہ بیان سوشل میڈیا پرایک جعلی بیان کے بعد آیاہے جس میں دعویٰ کیا گیا کہ عاطف اسلم کا دل مقدس مقامات کے قریب پرفارم کرنے کو قبول نہیں کرتا۔
واضح رہے کہ سعودی عرب 2017ء کے بعد سے عالمی فنکاروں کے کنسرٹس کا مرکز بن گیا ہے اور اب تک کئی بڑے بین الاقوامی اسٹارزیہاں پرفارم کر چکے ہیں۔