(24نیوز)تحریک انصاف کو لبرٹی میں جلسے کی اجازت دینے کی درخواست پر لاہور ہائیکورٹ نے ریمارکس دیتے ہوئے کہاکہ پی ٹی آئی کو لبرٹی چوک میں جلسے کی اجازت نہیں تو پھر کسی سیاسی جماعت کو نہیں ہو گی۔
تفصیلات کے مطابق لاہور ہائیکورٹ میں پی ٹی آئی کی لبرٹی چوک میں15اکتوبر کو جلسہ کی اجازت کیلئے درخواست پر سماعت ہوئی،لاہور ہائیکورٹ کے جسٹس راحیل کامران نے درخواست پر سماعت کی،ڈی سی آفس کی جانب سے جواب عدالت جمع کرا دیا گیا۔جواب میں کہا گیا ہے کہ درخواست کے بعد 10اکتوبر کو تمام اداروں کا اجلاس ہوا، 9مئی کو پی ٹی آئی کارکنوں نے احتجاج کے دوران توڑ پھوڑ، جلاؤ گھیراؤ کیا،ڈسٹرکٹ انٹیلی جنس نے جلسے کا این او سی نہ دینے کی رپورٹ پیش کی۔
یہ پڑھیں:سابق وزیراعظم نواز شریف کا طیارہ 21 اکتوبر کو لاہور میں لینڈ کرے گا
عدالت نے کہاکہ پی ٹی آئی کو لبرٹی چوک میں جلسے کی اجازت نہیں تو پھر کسی سیاسی جماعت کو نہیں ہو گی،عدالت نے پی ٹی آئی وکیل کو متبادل جگہ کیلئے ڈی سی لاہور کو نئی درخواست دینے کا حکم دیتے ہوئے کہاکہ آپ کسی دوسری جگہ کیلئے درخواست دے دیں،ڈی سی پیر تک جلسے کیلئے نئی جگہ کی درخواست پر فیصلہ کریں۔
بعدازاں عدالت نے ڈی سی کی رپورٹ پر اظہار اطمینان کرتے ہوئےدرخواست نمٹادی۔
مزید پڑھیں:سنا ہے آپکے ساتھ خان صاحب کی اڈیالہ میں کوئی پیغام رسانی ہوئی؟ ایسا کچھ نہیں:پرویز الٰہی