چین نے ریٹائرمنٹ کی عمر میں 3 سال کااضافہ کردیا
Stay tuned with 24 News HD Android App
(24نیوز) بوڑھوں کی تعداد میں اضافہ اور پینشن کے بوجھ سے تنگ آکر 1950 کی دہائی کے بعد پہلی مرتبہ چین نے ریٹائرمنٹ کی عمر میں 3 سال کا اضافہ کردیا۔
چین کی نیشنل پیپلز کانگریس نے ریٹائرمنٹ کی عمر میں اضافے کی تجویز منظور کرلی ہے جس کے تحت بیلو کالر جاب کرنے والی خواتین کی ریٹائرمنٹ کی عمر 50 سے بڑھا کر 55 سال جبکہ وائٹ کالر جاب کرنے والی خواتین کی ریٹائرمنٹ کی عمر 55 سے بڑھا کر 58 سال کردی جائے گی،تجویز کے مطابق مردوں کی ریٹائرمنٹ کی عمر 60 سے بڑھا کر 63 برس کردی جائے گی۔
غیرملکی میڈیا کے مطابق ریٹائرمنٹ کی عمر میں اضافے کا اطلاق یکم جنوری 2025 سے شروع ہوگا اور آئندہ 15 برسوں میں ریٹائرمنٹ کی عمر میں مطلوبہ اضافے کے ہدف تک پہنچا جائے گا، چین کو عمر رسیدہ افراد کی بڑھتی تعداد اور پینشن کے بڑھتے بوجھ کا سامنا ہے، چین میں ریٹائرمنٹ کی موجودہ عمر دنیا میں سب سے کم ہے۔
سال 2030 سے ملازمین کو پینشن کے حصول کے لیے سوشل سکیورٹی کے نظام میں پیسے دینے ہوں گے جبکہ 2039 کے بعد سے ملازمین کو پینشن کا اہل ہونے کے لیے 20 سال تک سوشل سکیورٹی نظام میں رقم جمع کروانی ہوگی۔
یہ بھی پڑھیں: قومی اسمبلی اور سینٹ کے الگ الگ اجلاس طلب