(ویب ڈیسک)بالی ووڈ کی سینئر اور ورسٹائل اداکارہ سشمیتا سین نے ناصرف پاکستانی فنکاروں کی بالی وڈ میں واپسی بلکہ پاکستانی فلم انڈسٹری میں کام کرنے کے حوالے سے بھی خاموشی توڑدی۔
بھارتی میڈیا رپورٹس کے مطابق اداکار سنی دیول اور اداکارہ امیشا پٹیل کے بعد اب سشمیتا سین نے پاکستانی فنکاروں کی بالی وڈ میں واپسی کی حمایت کر دی۔
سشمیتا سین نے ایک مختصر انٹرویو میں کہا کہ ہنر اور فن کی کوئی سرحد نہیں ہوتی اور نہ ہی ہونی چاہیے،ایک کھیل اور ایک ہماری تخلیقی فیلڈ ہے جو تمام پابندیوں سے آزاد ہے،تخلیقی کام آزادی کے ماحول میں پروان چڑھتا ہے، اس لیے میں ان کے لیے نیک خواہشات کا اظہار کروں گی۔
پاکستانی انڈسٹری میں کام کے حوالے سے ایک سوال پر سشمیتاسین نے کہا کہ میں ہمیشہ اچھی فلم میں کام کرنا چاہوں گی، پھر چاہے اس کی پیشکش کہیں سے بھی آئے، اس سے فرق نہیں پڑتا۔
یہ بھی پڑھیں:سابقہ اہلیہ کی مالی حالت پرسشمیتا سین کے بھائی کا ردعمل سامنے آگیا
واضح رہے کہ حال ہی میں فواد خان نے 9 سال بعد فلم "عبیر گلال" کے ذریعےبالی ووڈ میں واپسی کا اعلان کیا ہے،تاہم مہاراشٹر نونرمان سینا (ایم این ایس) نے فلم کی ریلیز کی مخالفت کی ہے، جس پر بھارتی فنکار یکے بعد دیگرے پاکستانی فنکاروں کی حمایت کرتے دکھائی دے رہے ہیں۔