(ویب ڈیسک)خوبرواداکارہ عروہ حسین اور فرحان سعید کتنے بچوں کا ارادہ رکھتے ہیں؟ اداکارہ نے اس بات کا انکشاف کر دیا۔
عروہ حسین اور فرحان سعید ننھی جہاں آراء کے والدین ہیں،ایک حالیہ انٹرویو میں عروہ حسین نے گفتگو کرتے ہوئے اعتراف کیاہے کہ اگرچہ میں ماں بننے کا ارادہ رکھتی تھی، لیکن یہ تجربہ ابتداء میں خوفناک تھا، مجھے معلوم نہیں تھا کہ میں کیسا محسوس کروں گی، لیکن جیسے ہی میں نے اپنی بیٹی کو گود میں لیا، سب کچھ فطری طور پر ٹھیک ہو گیا۔
عروہ نے خوش دلی سے فیملی پلاننگ کے ارادوں کا بھی اظہار کرتے ہوئے کہا کہ میں فرحان سعیدکے ساتھ 5 سے 6 بچے اور چاہتی ہوں۔
یہ بھی پڑھیں:جیا بچن نے بہو کی تعریفوں کے پُل باندھ دیئے:ایشوریا روپڑیں
انہوں نے مزید کہا کہ میں مستقبل میں بطور پروڈیوسر فلم بنانے کا ارادہ بھی رکھتی ہوں، لیکن اس کے ساتھ مزید بچوں کی ماں بننے کی خواہش مند بھی ہوں۔