"گاڑی بم سے اُڑا دیں گے" سلمان خان کو ایک مرتبہ پھر قتل کی دھمکی 

(ویب ڈیسک)بالی ووڈ کے دبنگ سٹارسلمان خان کو ایک اور جان سے مارنے کی دھمکی موصول ہوگئی ۔

بھارتی میڈیا کی تازہ ترین رپورٹ کے مطابق یہ دھمکی پیر کے روز واٹس ایپ کے ذریعے ممبئی کے ورلی ٹریفک ڈیپارٹمنٹ کے آفیشل نمبر پر بھیجی گئی ہے جس میں کہا گیا کہ سلمان خان کو ان کے گھر میں قتل کر دیا جائے گا اور ان کی کار کو بم سے اُڑا دیا جائے گا۔

ممبئی پولیس اس معاملے پر فوری طور پر حرکت میں آگئی اور نامعلوم شخص کے خلاف ایف آئی آر درج کر لی ،اس کے علاوہ سیکیورٹی اداروں نے سلمان خان کی رہائش گاہ کے اردگرد حفاظتی اقدامات مزید سخت کر دیے ہیں۔

واضح رہے کہ سلمان خان کو اس نوعیت کی دھمکیاں اس سے قبل بھی دی جاچکی ہیں جس کے بعد اداکار کی سیکیورٹی میں خاطر خواہ اضافہ کیا گیا تھا۔

یہ بھی پڑھیں:خلیل الرحمان قمر ہنی ٹریپ و اغواء برائے تاوان کیس:فیصلہ آگیا

بھارتی میڈیاکے مطابق پولیس واقعے کی مکمل تحقیقات کر رہی ہے، جبکہ خفیہ ایجنسیاں بھی اس دھمکی کے پیچھے موجود عناصر کا سراغ لگانے میں مصروف ہیں۔