یوم آزادی : واہگہ بارڈر پاکستان زندہ آباد کے نعروں سے گونج اٹھا

(24 نیوز) یوم آزادی پر واہگہ بارڈر پر پرچم اتارنے کی تقریب کے دوران واہگہ بارڈر پاکستان زندہ آباد کے نعروں سے گونج اٹھا۔

واہگہ بارڈر پر پرچم اتارنے کی روایتی تقریب میں بڑی تعداد میں شہری شریک ہوئے، اس موقع پر ہرطرف پاکستانی پرچموں کی بہار نظر آئی، جشن آزادی کے موقع پر عوام میں زبردست جوش وخروش نظر آیا اور فضا پاکستان زندہ باد کے نعروں سے گونج اٹھی، دن کا آغاز نماز فجر میں ملکی ترقی اور یکجہتی کی خصوصی دعاؤں سے ہوا۔

وفاقی دارالحکومت اسلام آباد میں 31 توپوں کی سلامی دی گئی جبکہ صوبائی دارالحکومتوں میں 21۔21 توپوں کی سلامی دی گئی، کراچی میں مزار قائد اور لاہور میں شاعر مشرق علامہ اقبال کے مزار پر گارڈز کی تبدیلی کی پروقار تقاریب منعقد کی گئیں۔

یہ بھی پڑھیں: پی ٹی آئی کو زور دار دھچکا، اہم عہدیدار مستعفی

واضح رہے کہ آج ملک بھر میں جشن آزادی انتہائی جوش و خروش اور قومی جذبے کے ساتھ منائی گئی، ملک بھر میں ملی نغموں اور سبزہلالی پرچموں کی بہار آگئی۔