سویڈن کے زیر اہتمام سٹاک ہوم میں جشن آزادی ریلی، پاک فوج کو خراج تحسین

 (24نیوز) فرینڈز آف پاکستان سویڈن کے زیر اہتمام سٹاک ہوم میں جشن آزادی کار ریلی میں پاک فوج کو خراج تحسین اور مظلوم کشمیریوں کےساتھ یکجہتی اظہار کیا گیا.
  سویڈن  کے دارلحکومت سٹاک ہوم میں جشن آزادی کو موقع پر فرینڈز آف پاکستان سویڈن کے زیر اہتمام جشن آزادی پاک فوج کو سلام کار ریلی کا انعقاد کیا گیا گزشتہ5سالوں سے جشن آزادی کے موقع پر ہونے والی اس کار ریلی میں سٹاک ہوم میں مقیم پاکستانی کمیونٹی نے بڑی تعداد میں شرکت کی ،اس سال فرینڈز آف پاکستان سویڈن کے پلیٹ فارم سے ہونے والی جشن آزادی کار ریلی کو پاک فوج   اور  شہدا کی قربانیوں کو سلام اور   مظلوم کشمیریوں کےساتھ  اظہار یکجہتی کے سلوگن کیساتھ منایا گیا ۔

تقریب سے کونسر عمیر ضیا بھٹی،کاروباری  و سماجی شخصیت میاں زین ،سماجی شخصیت سید جواد حیدر شاہ ،کاروباری  و سماجی شخصیت حسن غلام ،کشمیری رہنما راجہ عبدالرحمن،سماجی شخصیت رضوان بھٹی ،سماجی شخصیت طارق چوہدری ۔سماجی شخصیت صحافی میاں یاسر ،سماجی شخصیت جواد خان و دیگر مقررین نے خطاب کیا اور زبردست الفاظ میں پاک فوج کو خراج تحسین پیش کیا اور مظلوم کشمیریوں کےساتھ اظہار یکجہتی کیا ،اس موقع پر پاک فوج زندہ باد اور پاکستان زندہ باد کے فلک شگاف نعرے بھی لگائے گئے، ریلی میں ملی نغموں کے دوران شرکاء نے جھنڈے لہرا کر پاکستان اور افواجِ پاکستان سے یکجہتی کا اظہار کیا۔

جشن آزادی کار ریلی کے اہتتام پر ایک تقریب کا بھی انعقاد کیا گیا جس میں فرینڈز آف پاکستان سویڈن کے زمہ داران اور کمیونٹی کی سرکردہ شخصیات نے خطاب کیا اور پاک فوج کو سلام  شہدائے پاکستان کی لازوال قربانیوں کو خراج تخسین پیش کیا مقررین نے کہا کہ پاکستانی قوم اپاک فوج کے خلاف کسی بھی سازش کو نا کام بنا نے کے لیے متحد ہے دشمن اور اس کے آلہ کاروں کی ملک اور فوج مخالف سازش کو کا میاب نہیں ہو نے دیا جائے گا۔مقررین نے مقبوضہ کشمیر میں ہونے والے مظالم پر بھارت کی شدید الفاظ میں مزمت کی اور مظلوم کشمیریوں  کیساتھ بھی اظہار یکجہتی کرتے ہوئے ان کی آواز سویڈن کے ہر فورم پر اٹھانے کا اعادہ کیا،تقریب سے معروف کالم نگار اور تجزیہ کار  جنید نواز چوہدری  نے خطاب میں  فرینڈز آف پاکستان سویڈن کی جانب سے کامیاب جشن آزادی کار ریلی کے انعقاد پر مبارکباد پیش کی اور کہا کہ افواجِ پاکستان قوم کا فخر ہیں، شہدا کی قربانیوں کی وجہ سے پاکستان میں امن قائم ہوا ہم پاک فوج کے شانہ بشانہ کھڑے ہیں جنید نواز چوہدری نے مظلوم کشمیریوں کی جدوجہد کو بھی خراج تخسین پیش کیا۔

عرفان نیاز چوہدری ایڈووکیٹ  سینئر صحافی سماجی شخصیت نے خطاب کرتے ہوئے کہا کہ سیکورٹی فورسز ملکی سلامتی اور بقا کی ضمانت ہیں، ان کا کہنا تھا کہ افواجِ پاکستان پوری قوم کا فخر ہیں، فوج نے قربانیاں دے کرامن کی منزل کو قریب تر کیا،تاریخ میں یہ قربانیاں سنہری حروف سے لکھی جاچکی ہیں،آج پاکستان میں جو امن ہے اس کے پیچھے افواج پاکستان کے شہداء کی لازوال قربانیاں پوشیدہ ہیں، عرفان نیاز چوہدری نے بھارت کی بھرپور الفاظ میں مزمت کرتے ہوئے کشمیریوں کو زبردست خراج تحسین پیش کیا ۔

فرینڈز آف پاکستان سویڈن کے صدر اور سماجی شخصیت کاشف عزیز بھٹہ نے خطاب میں کہا کہ اوورسیز پاکستانی اور پاکستان کے عوام اپنے عسکری اداروں کے شانہ بشانہ کھڑے ہیں پاکستانی فوج  ہمارا فخر ہے اور پاک فوج کے شہدا ہمارے ماتھے کا جھومر ہیں ہم آزاد فضا میں سانسیں لے رہے ہیں یہ اللہ کے کرم کے بعد پاک فوج کی قربانیوں کی بدولت ممکن ہے کاشف عزیز بھٹہ نے مظلوم کشمیریوں کےساتھ اظہار یکجہتی کرتے ہوئے کہا کہ وہ اور ان کا فورم مظلوم کشمیریوں کیلئے آواز اٹھانے میں کوئی کثر اٹھا نہیں رکھے گا ۔کاشف عزیز بھٹہ نے جشن آزادی کار ریلی میں شرکت پر اور اس کو کامیاب بنانے پر تمام دوسری تنظیمات کے صدور اور تمام کمیونٹی کا شکریہ ادا کیا ۔

تقریب سے مسلم لیگ ن سویڈن کے صدر مسعود منہاس نے خطاب کرتے ہوئے کہا کہ پاک فوج دنیا کی تمام افواج میں اپنا نمایاں مقام رکھتی ہے اور مضبوط ترین فوج ہے  پاک فوج کے تمام افسران انتہائی قابل فرض شناس اور ملک و قوم کے لیے مخلص وفادار ہیں۔ انہوں نے کہا کہ پاک فوج کے بارے میں غلط پروپیگنڈہ پھیلانے والے ملک اور قوم کے دشمن ہیں پاکستانی قوم پاک فوج کے ساتھ کھڑی ہے انہوں نے کہا کہ ہمیں چاہیے کہ اپنی فوج کو مضبوط سے مضبوط ترین بنانے میں اپنا اہم کردار ادا کریں اور پاک فوج کے بارے میں منفی پروپیگنڈہ کرنے والے عناصر کو ہمیشہ ہمیشہ کے لیے مسترد کر دیں،مسعود منہاس نے مظلوم کشمیریوں کےساتھ اظہار یکجہتی کرتے ہوئے فرینڈز آف پاکستان کے منتظمین کو جشن آزادی کار ریلی کے انعقاد پر مبارکباد پیش کی ۔تقریب سے سماجی شخصیت ای یو پاک فرینڈشپ فورم سویڈن کے صدر غلام محمد بھلی نے اپنے خطاب میں کہا کہ ہم پر ہمارے شہدا کا احسان ہے،جو قومیں اپنے شہدا کو یاد نہیں رکھتیں وہ مٹ جاتی ہیں، انہوں نے کہا کہ قوم کو پاک فوج کے شہدا کی قربانیوں پر فخر ہے غلام محمد بھلی نے کہا کہ پاکستان کی عوام اور پاک فوج ملکر دہشت گردوں کا مقابلہ کریں گے،انہوں نے بھارتی مظالم پر احتجاج کرتے ہوئے مظلوم کشمیریوں سے اظہار یکجہتی کیا اور کامیاب جشن آزادی ریلی پر مبارکباد پیش کی ۔

یہ بھی پڑھیں: ’’میں نےآج  تک اس سے بہتر تقریر نہیں سنی‘‘ چودھری شجاعت کا آرمی چیف کے خطاب پر ردِ عمل