بھارتی پنجانی فلم’انگریج‘ کی اداکارہ کیساتھ 70 لاکھ کےفراڈ کا نکشاف

(ویب رپورٹ)بھارتی ٹی وی اور  پنجابی فلموں کی معروف ماڈل اور اداکارہ اور پروڈیوسر سرگن مہتا نے انکشاف کیا ہے کہ جب وہ اور روی دوبے اپنا پہلا ٹی وی شو ’اُڈاریاں‘ بنا رہے تھے، تو انہیں 70 لاکھ روپے کے فراڈ کا سامنا کرنا پڑا،  مگر اس مشکل وقت میں سرگن اور روی کی محنت اور صبر نے انہیں کامیاب بنا دیا۔

رپورٹ کے مطابق بھارتی پنجابی فلم ’انگریج‘ میں  بہترین کردار کرنیوالی سرگن مہتا نے یہ چونکا دینے والا انکشاف حالیہ انٹرویو میں کیا، جہاں انہوں نے اپنی پروڈکشن کمپنی کی مشکلات پر روشنی ڈالی۔سرگن مہتا نے بتایا، "اُڈاریاں کے وقت ہم نے اپنی ساری جمع پونجی لگا دی تھی۔ اور جب ہمارا سیٹ بن رہا تھا، تو کسی نے ہمارے ساتھ 70 لاکھ کا فراڈ کر دیا۔ انہوں نے بتایا کہ اُس وقت شو آن ایئر جانے میں صرف 15 دن رہ گئے تھے، اور ہمارے پاس بس ایک خالی فلور تھا۔ سرگن نے مزید بتایا کہ وہ غصے میں آرٹ ڈائریکٹر سے جھگڑ پڑیں اور سیکیورٹی کو مداخلت کرنا پڑی۔ اس صورتحال نے انہیں شدید ذہنی دباؤ میں ڈال دیا، اور وہ کار میں بیٹھ کر رونے لگیں کہ آیا پروڈیوسر بننے کا فیصلہ صحیح تھا یا نہیں۔اس دوران روی دوبے نے حوصلہ نہیں کھویا۔ سرگن نے بتایا کہ روی نے مجھے تسلی دی اور کہا، ’گئی نا؟ نظر اُتر گئی! سب ٹھیک ہو جائے گا، ہم دوبارہ کما لیں گے۔یہ مشکل وقت 4 سے 5 ماہ تک جاری رہا، مگر سرگن اور روی کی محنت اور صبر نے انہیں کامیاب بنا دیا۔ آج اُڈاریاں انڈسٹری کا ایک کامیاب شو ہے، جس میں پرینکا چہر چودھری، انکت گپتا، ابھیشیک کمار اور ایشا ملویہ جیسے مشہور ستارے کردار ادا کررہے ہیں۔

یہ بھی پڑھیں:ویلنٹائن ڈے کا پہلا رزلٹ آ گیا،محبوب کی دھلائی،ٹنڈ کر دی