(ویب رپورٹ)کیتھولک عیسائیوں کے مذہبی روحانی پیشوا پوپ فرانسس کو طبیعت ناساز ہونے پر روم کے اسپتال میں منتقل کر دیا گیا، جہاں انکا علاج جاری ہے۔
رپورٹ کے مطابق اٹلی کے شہر روم میں واقع آزاد ریاست ویٹی کن کے حکام کا کہنا ہے کہ پوپ فرانسس کے آئندہ تین دن کی مصروفیات منسوخ کر دی گئی ہیں۔ ویٹی کن سسٹی ے جاری ایک بیان میں کہا گیا ہے کہ پوپ فرانسس کو برونکائٹس کی وجہ سے جمعہ کی صبح لوگوں سے ملاقات ختم ہونے کے بعد روم کے پولی کلینیکو آگسٹینو جیمیلی میں چند ضروری تشخیصی ٹیسٹ کےلیے داخل کرا دیا گیا ہے، جہاں انکا برونکائٹس کے حوالے سے علاج جاری ہے۔
یاد رہے کہ 88 سالہ پاپائے اعظم کی 2021 اور 2023 میں دو بار سرجریز ب کی گئی جبکہ گزشتہ دو برسوں کے دوران مختلف بیماریوں کا علاج کیا گیا جس میں باؤٹس، انفلوئنزا اور دیگر صحت کے مسائل شامل ہیں۔
یہ بھی پڑھیں:اپنی پلاننگ سے خوش ، ہمارے بالرز فٹ ہیں،حارث کی کنڈیشن بہتر ہے،عاقب جاوید