سندھ کے بعد پنجاب کے تین نوجوان بھی لاپتہ ، کہاں گئے؟
![سندھ کے بعد پنجاب کے تین نوجوان بھی لاپتہ ، کہاں گئے؟](https://www.24urdu.com/digital_images/large/2024-07-14/news-1720933272-5758.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(ویب ڈیسک)سندھ کے بعد پنجاب کے تین نوجوان بھی لاپتہ ، کہاں گئے؟
سندھ کے شہر حیدر آباد کے تین نو جوانوں کے بعد پنجاب کے مختلف شہروں سے تعلق رکھنے والے تین نوجوان بھی میانمار میں لا پتا ہوگئے،گجرات کا زین، منڈی بہاؤالدین کا عامر اور سیالکوٹ کا شاہد مبینہ طور پر میانمار میں ایک کمپنی میں جا پھنسے۔
نوجوانوں کے لاپتا ہونے پر پاکستان میں اہل خانہ پریشان ہوگئے اور اہلخانہ کا کہنا ہے کہ ان کے بچوں کو تشدد کا نشانہ بنایا جا رہا ہے، ساتھ ہی انہوں نے حکومت سے بچوں کی واپسی کے لیے اقدامات کی اپیل بھی کی ہے۔
ضرورپڑھیں:اپنے وسائل کیلئے ٹیکس اکٹھے کر لیں تو قرضے کی ضرورت نہیں پڑے گی: وزیر اعظم
اس حوالے سے سفارتخانے کے اسسٹنٹ قونصلر علی شیر نے کہا کہ میانمار میں لاپتا حیدرآباد کے 3 نوجوانوں کو بیچا نہیں گیا بلکہ تینوں نوجوان نوکری کے جھانسے میں آکر غیرقانونی کمپنی میں کام کرنے آئے، نوجوانوں کو جلد بازیاب کروا کر وطن واپس بھیج دیا جائے گا، قانونی پیچیدگیوں کے باعث ان کی بازیابی میں تاخیر ہو رہی ہے۔