اننت امبانی کی شادی میں عالیہ بھٹ کی 160 سال پُرانی ساڑھی کی دھوم
Stay tuned with 24 News HD Android App
(ویب ڈیسک) نامور بھارتی فلم ساز مہیش بھٹ کی بیٹی اور بالی ووڈ سپر سٹار اداکارہ عالیہ بھٹ کی مکیش امبانی کے چھوٹے بیٹے اننت امبانی اور رادھیکا مرچنٹ کی شادی میں پہنی جانے والی ساڑھی کی خوب دھوم مچی ہوئی ہے۔
بھارتی میڈیا رپورٹس کے مطابق اننت اور رادھیکا کی شادی کی تقریبات میں بالی وڈ کے تقریباً زیادہ تر سٹارز نے شرکت کی، یہاں تک کہ اس شادی کو غیر ملکی فنکاروں اور مشہور شخصیات نے بھی چار چاند لگائے، اداکاراؤں کے لباس اس شادی میں خاص طور پر توجہ کا مرکز رہے۔
اسی سلسلے میں اداکارہ عالیہ بھٹ نے بھی اپنی ساڑھی میں ملبوس تصاویر فوٹو اینڈ ویڈیو شیئرنگ پلیٹ فارم انسٹاگرام پر شیئر کیں، انہوں نے گلابی اور گولڈن رنگ کی خوبصورت ساڑھی زیب تن کی جس کے حوالے سے بھارتی میڈیا نے دعویٰ کیا ہے کہ یہ ساڑھی 160 سال پرانی ہے جو گجرات میں خالص ریشم اور اصلی زری بارڈر سے تیار کی گئی ہے۔
عالیہ بھٹ نے اپنی پوسٹ کے کیپشن میں لکھا کہ صدی پُرانے پلو میں محبت کا جشن منایا، بھارتی میڈیا کے مطابق یہ قدیم ساڑھی مقبول ترین بھارتی ڈیزائنر منیش ملہوترا کی خاص آرکائیو ویو کلیکشن سے لی گئی ہے جس میں بھارت کی ثقافتی میراث کی جھلک دکھائی دیتی ہے۔
عالیہ بھٹ کی اس 6 گز کی قدیم ساڑھی کی تیاری میں 99 فیصد خالص چاندی اور تقریباً 6 گرام اصلی سونا استعمال کیا گیا ہے۔
یہ بھی پڑھیں: اکشے کمار نے اپنا نام تبدیل کیوں کیا؟اداکار نے خود ہی وجہ بتا دیا
واضح رہے کہ اننت امبانی اور رادھیکا مرچنٹ کی شادی سے قبل کی تقریبات کا آغاز مارچ میں 3 روزہ جشن سے ہوا تھا جس میں امریکی گلوکارہ ریحانہ اور بھارتی گلوکار دلجیت دوسانج کے کنسرٹ بھی شامل تھے۔
امبانی خاندان نے شادی کی تقریبات کے سلسلے میں ایک لگژری کروز پر بھی مہمانوں کو مدعو کیا اور اس کے بعد شادی سے ایک ہفتہ قبل سنگیت کی تقریب ہوئی جس میں ہالی ووڈ گلوکار جسٹن بیبر نے بھی پرفارم کیا۔