لیگی رہنما خواجہ سعد رفیق کا تحریک انصاف کی اسیر کارکن صنم جاوید کی رہائی کا مطالبہ
![لیگی رہنما خواجہ سعد رفیق کا تحریک انصاف کی اسیر کارکن صنم جاوید کی رہائی کا مطالبہ](https://www.24urdu.com/digital_images/large/2024-07-14/news-1720979892-1204.jpg)
کیپشن: فائل فوٹو
سورس: گوگل
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز) پاکستان مسلم لیگ (ن) کے سینئر رہنما خواجہ سعد رفیق پاکستان تحریک انصاف (پی ٹی آئی) کی اسیر کارکن صنم جاوید کی رہائی کے بعد پھر گرفتاری کے خلاف سامنے آگئے۔
سوشل میڈیا پلئیٹ فارم ”ایکس“ پر جاری اپنے ایک بیان میں سعد رفیق نے لکھا کہ صنم جاوید کے بچے ماں کا انتظار کرتے کرتے تھک گئے ہوں گے، ان کا تو کوئی قصور نہیں،انہوں نے مزید لکھا کہ صلہ رحمی کریں، اب اُسے گھر جانے دیں۔
خیال رہے کہ اسلام آباد کی مقامی عدالت نے وفاقی تحقیقاتی ادارے (ایف آئی اے) کے نئے مقدمے میں گرفتار صنم جاوید کے جسمانی ریمانڈ کی استدعا پر محفوظ فیصلہ سناتے ہوئے انہیں مقدمے سے ڈسچارج کردیا تھا، رہائی کے بعد صنم جاوید وکلاء کے ساتھ روانہ ہوگئی تھیں، لیکن اسلام آباد پولیس نے انھیں پھر سے گرفتار کرلیا ہے۔
یہ بھی پڑھیں: پی ٹی آئی کارکن صنم جاوید ایک مرتبہ پھر گرفتار