سندھ بجٹ میں جامعات کیلئے 35 ارب روپے مختص
Stay tuned with 24 News HD Android App
(24نیوز) حکومت سندھ کی جانب سے مالی سال 25۔2024 میں گرانٹس کی مد میں یونیورسٹیز کیلئے 35 ارب روپے مختص کیے گئے۔
تفصیلات کے مطابق سندھ ایگری کلچر یونیورسٹی کیلئے 2 ارب روپے ، جناح سندھ میڈیکل یونیورسٹی کیلئے ایک ارب ، ڈاؤ یونیورسٹی ہیلتھ سائنس کیلئے ایک ارب 12 کروڑ ،مہران یونیورسٹی جامشورو کیلئے ایک ارب 86 کروڑ روپے، سکھر آئی بی اے یونیورسٹی کیلئے ایک ارب 66کروڑ روپے ، لیاقت یونیورسٹی آف میڈیکل سائنس کیلئے ایک ارب 38 کروڑمختص کیے گئے۔
علاوہ ازیں قائدعوام یونیورسٹی نوابشاہ کیلئے ایک ارب 37 کروڑ روپے، سندھ مدرسہ اسلام کیلئے 60 کروڑروپے ،داؤدانجینئرنگ یونیورسٹی کیلئے ایک ارب 57 کروڑ روپے مختص ، جامعہ کراچی اور سندھ یونیورسٹی کیلئے بجٹ میں 3،3 ارب روپےمختص کیے گئے۔
ہو نہارطالبات کے اعزازیے کیلئے80 کروڑ روپے،اعلیٰ تعلیم کیلئےاسکالرشپ کی مد میں 2 ارب ، پوزیشن ہولڈر طلبا کیلئے سکالر شپ کی مد میں ایک ارب 20 کروڑ جبکہ سکولوں میں 75 کروڑ روپے مالیت کی مفت کتابیں تقسیم کےلیےمختص کیے گئے۔
یہ بھی پڑھیں: سندھ بجٹ 25۔2024 میں تعلیم اور صحت کیلئے خطیر رقم مختص