(ویب ڈیسک)رمضان المبارک کے پہلے عشرے میں مسجد الحرام میں اڑھائی کروڑ زائرین کی آمد کا نیا ریکارڈ بن گیا۔
حرمین شریفین کے امور کی جنرل اتھارٹی کااس حوالے سے کہناہے کہ رمضان المبارک کے ابتدائی 10 دنوں میں مسجد الحرام میں عبادت اور زیارت کے لیے آنے والوں کی تعداد دو کروڑ 50 لاکھ سے تجاوز کر گئی جو ایک نیا ریکارڈ ہے۔
اتھارٹی کے مطابق اسی عرصے کے دوران 55 لاکھ سے زائد مسلمانوں نے عمرہ ادا کیا، جو مقدس مقام پر مذہبی سرگرمیوں میں نمایاں اضافے کی نشاندہی کرتا ہے۔
العربیہ کی ایک رپورٹ کے مطابق زائرین کی بڑھتی ہوئی تعداد کو منظم کرنے کے لیے وسیع پیمانے پر انتظامات کیے گئے ہیں۔ 11 ہزار سے زائد ملازمین کو مسجدالحرام کے صحن اور گزرگاہوں میں عبادت گزاروں کی رہنمائی کے لیے تعینات کیا گیا ہے۔
یہ بھی پڑھیں:یوسف رضا گیلانی نے قائم مقام صدر کا عہدہ سنبھال لیا
اس کے علاوہ 350 سعودی نگران چار ہزاربھی صفائی کارکنوں کی نگرانی کر رہے ہیں ، زائرین کی سہولت کے لیے مسجد الحرام میں زمزم کے 20 ہزار ڈسپنسر فراہم کیے گئے ہیں۔