اداکارہ بھاگیاشری حادثے کا شکار، ہسپتال سے تصویر وائرل
Stay tuned with 24 News HD Android App
(ویب ڈیسک)بالی ووڈ کی ماضی کی مقبول اداکارہ بھاگیہ شری پکل بال کھیلتے ہوئے زخمی ہوگئیں۔
بھارتی میڈیا کے مطابق بھاگیہ شری کو پکل بال کھیلنے کے دوران پیشانی پر چوٹ لگی جس کے نتیجے میں انہیں ماتھے پر 13 ٹانگے لگے ہیں۔
حادثے کے بعد اداکارہ کو فوری طور پرہسپتال لے جایا گیا جہاں ایک معمولی سرجری کی گئی،ان کے ماتھے پر کٹ اتنا گہرا تھا کہ 13 ٹانکے لگانے پڑے۔
بھاگیہ شری کی ہسپتال کی تصاویر سوشل میڈیا پر وائرل ہو رہی ہیں،ایک تصویر میں اداکارہ کی پیشانی پر لگی چوٹ کو دکھایا گیا ہے جس میں دیکھا جاسکتا ہے کہ زخم کافی گہرا ہے۔
سوشل میڈیا پرمداحوں کی جانب سے بھاگیہ شری کی جلد صحت یابی کےلیے دعائیں کی جارہی ہیں۔
یہ بھی پڑھیں:عالیہ بھٹ کی سالگرہ: رنبیر کپورنے فوٹوگرافرز کو وارننگ کیوں دی؟
واضح رہے کہ بھاگیا شری نے 1989 میں فلم "میں نے پیار کیا" سے بالی ووڈ میں سلمان خان کے ساتھ بطور ہیروئن فلمی کیریئرکاآغاز کیا تھا،ان کی پہلی ہی فلم باکس آفس پر ہٹ ثابت ہوئی تھی۔