مانسہرہ، لڑکیوں کی غیر اخلاقی ویڈیوز بنا کر بلیک میل کرنیوالا ٹیچر گرفتار

(24 نیوز)مانسہرہ میں سرکاری سکول کی لڑکیوں کی غیر اخلاقی ویڈیوز بناکر بلیک میل کرنے والے ٹیچر کو گرفتار کرلیا۔

پولیس کے مطابق مانسہرہ کے علاقے لساں نواب میں  سرکاری سکول میں زیر تعلیم لڑکی کی نازیبا ویڈیو سامنے آئی جس کے بعد متاثرہ لڑکی کےگھر والوں نے پولیس میں رپورٹ لکھوائی۔

ایف آئی آر کے مطابق ملزم نے اور بھی کئی لڑکیوں کی نازیبا ویڈیو بنا کر انہیں بلیک میل کیا اور وائرل کرنے کی دھمکی بھی دی۔

پولیس نے ملزم کو گرفتار کرکے موبائل فون بر آمد کر لیا جب کہ ڈی پی او شفیع اللہ گنڈاپور نے ملزم سے تفتیش کے لیے اعلیٰ سطح کمیٹی قائم کردی ہے۔

مزید پڑھیں:ڈیرہ اسماعیل خان: بھائیوں میں جھگڑا،فائرنگ سے2 خواتین سمیت 4 افراد جاں بحق