سلامتی کونسل کی پاکستان میں بزدلانہ ٹرین حملے کی مذمت

(24 نیوز)اقوام متحدہ کی سلامتی کونسل کا پاکستان میں دہشت گرد حملے پر مذمتی بیان سامنے آ گیا۔

سلامتی کونسل ارکان جعفر ایکسپریس مسافر ٹرین پر ہونے والے بزدلانہ و سفاک دہشت گرد حملے کی سخت ترین الفاظ میں مذمت کرتے ہیں۔

جعفر ایکسپریس مسافر ٹرین 11 مارچ کو کوئٹہ سے پشاور جا رہی تھی، اس قابل مذمت دہشت گرد حملے کے نتیجے میں کم از کم 25 پاکستانی شہری جاں بحق ہوئے۔

بلوچستان لبریشن آرمی نے دعویٰ کیا کہ یہ حملہ اس کے "مجید بریگیڈ" نے کیا، سلامتی کونسل ارکان متاثرہ خاندانوں، پاکستانی حکومت اور عوام سے دلی ہمدردی اور تعزیت کا اظہار کرتے ہیں، زخمیوں کی جلد اور مکمل صحت یابی کی تمنا کرتے ہیں۔

سلامتی کونسل ارکان ہر قسم اور ہر شکل میں دہشت گردی بین الاقوامی امن و سلامتی کے لیے سب سے سنگین خطرات قرار دینے کے عزم کا اعادہ کرتے ہیں۔

سلامتی کونسل ارکان نے زور دیا کہ ان سنگین دہشت گردی کے واقعات کے مرتکب افراد، منتظمین، مالی معاونین اور سرپرستوں کو انصاف کے کٹہرے میں لایا جائے

انہوں نے تمام ممالک پر زور دیا کہ وہ بین الاقوامی قانون، سلامتی کونسل قراردادوں کے تحت حکومتِ پاکستان کے ساتھ بھرپور تعاون کریں۔

سلامتی کونسل ارکان نے دہرایا کہ کسی بھی مقصد کے تحت کیا جانے والا دہشت گردی کا کوئی بھی عمل ناقابل قبول اور مجرمانہ ہے، خواہ یہ دیشت گردی کا عمل کہیں بھی، کسی بھی وقت اور کسی بھی فرد یا گروہ کی جانب سے کیا جائے۔

تمام ممالک، اقوامِ متحدہ چارٹر اور بین الاقوامی قانون بشمول انسانی حقوق، جقوق مہاجرین اور انسانی ہمدردی کے قوانین کے مطابق، دہشت گردی کے باعث عالمی امن و سلامتی کو لاحق خطرات کے خلاف ہر ممکن اقدامات کریں۔

مزید پڑھیں :سپریم کورٹ؛پی پی 37میں الیکشن میں دھاندلی کیخلاف لیگی امیدوار کی پٹیشن خارج