(ویب ڈیسک)پستہ قد تاجکستانی گلوکار عبدو روزک المعروف عبدو نے منگنی کے بعد شہہ سرخیوں میں جگہ بناتے ہوئے اپنی منگیتر کے حوالے سے اہم انکشافات کردیے۔
بگ باس سیزن 16سے شہرت کی بلندیوں کو چھونے والے تاجسکتانی گلوکار عبدوروزک نے حال ہی میں اپنی سوشل میڈیا پوسٹ کے ذریعے منگنی کا اعلان کیا اور ساتھ ہی شادی کی تاریخ سے بھی اپنے فینز کو آگاہ کردیا۔
منگنی کی تصاویر اور ویڈیوز منظر عام پر آنے کی دیر تھی کہ سوشل میڈیا پر پستہ قد گلوکار کی منگیتر کے حوالے سے تبادلہ خیال شروع ہوگیا۔
گلوکار کی منگنی کی تصاویر سے اس بات کا اندازہ آسانی سے لگایا جاسکتا ہے کہ انکی منگیتر کا قد عبدو روزک سے لمبا ہے، اور کتنا لمبا ہے یہ سوال سب کی زبان پر جاری تھا۔
آخر کار عبدوروزک نے اپنے حالیہ انٹرویو میں منگیتر کے حوالے سے اہم انکشافات کردیے اور بتایا کہ میری منگیتر عامرہ کا قد 155 سینٹی میٹر لمبا ہے۔
20 سالہ گلوکار کا کہنا تھا کہ قد کا یہ واضح فرق ہمارے تعلقات کے درمیان کبھی نہیں آیا،انہوں نے بتایا کہ عامرہ سے ان کی ملاقات فوڈ جوائنٹ میں ہوئی تھی اور یہ پہلی نظر کی محبت تھی۔
یہ بھی پڑھیں:بادل برسیں گے یا سورج آنکھیں دکھائے گا، محکمہ موسمیات نے بتادیا
عبدو نے یہ بھی واضح کیا کہ وہ اپنی منگیتر عامرہ سے چھوٹے ہیں لیکن قد کا یہ فرق اس جوڑے کی سچی محبت پر حاوی نہ ہوسکا۔
گلوکار کا مزید کہنا تھا کہ مجھے میرے قد کی وجہ سے ساتھی تلاش کرنے میں بے حد مشکلات کا سامنا کرنا پڑا تھا لیکن اب مجھے عامرہ مل گئیں ہیں جنہیں پاکر میں بے حد خوش ہوں ۔
عبدو نے بتایا کہ عامرہ مجھ سے قد میں لمبی ہیں عامرہ کا قد 155 سینٹی میٹر ہے جبکہ وہ خود 115 سینٹی میٹر ہیں۔
یاد رہے کہ عبدو روزک اور شارجہ سے تعلق رکھنے والی 19 سالہ عامرہ رواں سال 7 جولائی کو شادی کے بندھن میں بندھنے جارہے ہیں جبکہ اس تقریب میں بالی وڈ اداکار اور بگ باس کے سربراہ سلمان خان بھی اپنی شرکت کو یقینی بنائیں گے۔