(24 نیوز)ملک کے بیشتر علاقوں میں شدید گرمی کی لہر برقرار ، محکمہ موسمیات نے اسلام آباد سمیت کئی شہروں میں درجہ حرارت معمول سے کہیں زیادہ رہنے کی پیش گوئی کر دی ۔
اسلام آباد اور گردونواح میں موسم آج گرم اور خشک رہنے کا امکان ہے، محکمہ موسمیات کے مطابق دن کے وقت درجہ حرارت معمول سے 4 سے 6 ڈگری زیادہ ہو سکتا ہے،خیبرپختونخوا کے بیشتر اضلاع میں بھی گرمی کی شدت برقرار رہے گی جبکہ جنوبی اضلاع میں بعد از دوپہر تیز ہوائیں چلنے کی توقع ہے۔
پنجاب میں موسم گرم اور خشک رہے گا جبکہ جنوبی اضلاع میں شدید گرمی پڑنے کا امکان ہے، محکمہ موسمیات کے مطابق پنجاب۔ سندھ اور بلوچستان کے مختلف علاقوں میں دن کے وقت درجہ حرارت 6 سے8 ڈگری معمول سے زیادہ رہنے کا امکان ہے۔
سندھ کے بالائی اور وسطی اضلاع میں موسم شدید گرم جبکہ دیگر اضلاع میں گرم اور خشک رہنے کی پیش گوئی کی گئی ہے، بلوچستان میں بھی گرمی کی شدت برقرار رہے گی اور جنوبی اضلاع میں بعد از دوپہر تیز ہوائیں چل سکتی ہیں۔
کراچی میں24 گھنٹوں کے دوران موسم گرم اور مرطوب رہنےکا امکان ہے،محکمہ موسمیات کے مطابق شہر میں وقفے وقفے سے تیز ہوائیں چلنے کا بھی امکان ہے،شہر میں زیادہ سے زیادہ درجۂ حرارت 35 سے 37 ڈگری سینٹی گریڈ تک رہنے کا امکان ہے۔
گزشتہ 24 گھنٹوں میں کم سے کم درجہ حرارت 26 ڈگری سینٹی گریڈ ریکارڈ کیا گیا۔
کراچی میں 11 کلومیٹر فی گھنٹہ کی رفتار سے سمندری ہوائیں چل رہی ہیں جن میں نمی کا تناسب 81 فیصد ریکارڈ ہوا ہے۔
مزید پڑھیں:والدین علیحدگی کے باوجود دوست تھے،والد ہی والدہ کو ہسپتال لیکرگئے: بیٹی نور جہاں