(ویب ڈیسک)مقبول کامیڈی ڈرامہ فرنچائز"کھچڑی" کی تیسری فلم کا باضابطہ اعلان کردیا گیا۔
معروف بالی ووڈ پروڈیوسر جمن داس مجیتھیا نے مزاحیہ فلم سیریز"کھچڑی" کے تیسرے حصے کا باقاعدہ اعلان کر دیا ہے جو 2027 میں ریلیز ہوگی۔
یہ اعلان انہوں نے ہدایتکارہ و میزبان فرح خان کے یوٹیوب چینل پر گفتگو کے دوران کیا، جہاں وہ "کھچڑی" کی پچیس سالہ شاندار تاریخ کو یاد کر رہے تھے۔
جمن داس نے اس موقع پربتایا کہ "کھچڑی‘ کا آغاز 2002 میں ایک ٹی وی شو کے طور پر ہوا تھا، جس نے اپنی انوکھے مزاح اور دلچسپ کرداروں کے ذریعے ناظرین کے دل جیت لیے،اب 25 سال مکمل ہونے پر، اس فرنچائز کا تیسرا حصہ 2027 میں پیش کیا جائے گا۔
یہ بھی پڑھیں:والدین علیحدگی کے باوجود دوست تھے،والد ہی والدہ کو ہسپتال لیکرگئے: بیٹی نور جہاں
اس موقع پرانہوں نے یہ بھی انکشاف کیا کہ پہلی فلم Khichdi: The Movie کو ایک بار پھر ریلیز کیا جائے گا، اور یہ ریلیز 4 مئی 2025 کو ورلڈ لافٹر ڈے کے موقع پر ریلیز کی جائے گی تاکہ شائقین ایک بار پھر اس کلاسک فلم سے لطف اندوز ہو سکیں۔