ہانیہ عامر بھارتی فلم کر کے وقت برباد کر رہی ہیں، نادیہ خان
Stay tuned with 24 News HD Android App
(ویب ڈیسک) معروف اداکارہ اور میزبان نادیہ خان نے کہا ہے کہ ہانیہ عامر بھارت میں کام کر کے اپنا وقت ضائع کر رہی ہیں۔
ایک حالیہ ٹی وی پروگرام میں اداکارہ و میزبان نادیہ خان نے ساتھی اداکارہ ہانیہ عامر کے بھارت میں کام کرنے کے حوالے سے اپنی رائے کا اظہار کرتے ہوئے کہا کہ ہانیہ عامر بھارت میں پی آر پر کام کر کے شدید وقت ضائع کر رہی ہیں۔
معروف اداکارہ نے کہا کہ ہانیہ وہاں جو ٹائم ضائع کر رہی ہیں اسے کہیں اور لگائیں تو اچھا ہے۔
یہ بھی پڑھیں:سعودی سفارت کارکے خلاف پروپیگنڈہ: بنگلہ دیشی ملکہ حُسن گرفتار
نادیہ خان نے مزید کہا کہ ماضی میں جو ہوا وہ سب کے سامنے ہے،ابھی ہانیہ دلجیت دوسانجھ کے ساتھ جو فلم کر رہی ہیں اس پر پہلے ہی پابندی کی باتیں شروع ہو چکی ہیں۔
ہانیہ عامر پاکستان میں انسٹاگرام پر سب سے زیادہ فالو کی جانے والی اداکارہ ہیں،وہ بھارتی اداکار و گلوکار دلجیت دوسانجھ اور سونم باجوہ کے ساتھ ایک پنجابی فلم میں جلوہ گر ہوں گی جس کا مداحوں کوشدت سے انتظار ہے۔