(24 نیوز)سیف سٹی کیمروں کے ذریعے ای چالان کرنے کا قانون لاہور ہائیکورٹ میں چیلنج کر دیا گیا، رجسٹرار آفس نے درخواست کے قابل سماعت ہونے کے متعلق اعتراض عائد کر دیا۔
شہری فلک شیر نے ایڈووکیٹ مظہر آمین چدھڑ کی وساطت سے لاہور ہائیکورٹ میں درخواست دائر کی، درخواست میں پنجاب حکومت، ہوم سیکرٹری، آئی جی پنجاب سمیت دیگر کو فریق بنایا گیا ہے۔
رجسٹرار آفس کی جانب سے درخواست کے قابل سماعت ہونے پر اعتراض عائد کیا گیا ہے کہ پنجاب حکومت کی جانب سے ای چالان کے متعلق دائر انٹرا کورٹ اپیل کی مصدقہ کاپی نہیں لگائی گئی۔
درخواست گزار کی جانب سے موقف اختیار کیا گیا کہ ای چالان کے ذریعے شہریوں کو فئیر ٹرائل کا حق نہیں دیا جا رہا، متاثرہ شخص کا مؤقف سنے بغیر اس کا چالان کرنا ناانصافی اور آئین اور قانون کے خلاف ہے۔
درخواست میں استدعا کی گئی ہے کہ سیف سٹی کیمروں کے ذریعے ای چالان کرنے کے قانون کو کالعدم قرار دیا جائے۔
یہ بھی پڑھیں :بیرون ممالک سے موبائل لانے پر ٹیکس میں کمی کریں گے:وزیراعظم