انڈر 19 ایشیا کپ: پاکستان اور بھارت کو شکست، بنگلہ دیش اور یو اے ای فائنل میں پہنچ گئے

(ویب ڈیسک) یو اے ای اور بنگلہ دیش کی ٹیمون نے انڈر 19 ایشیا کپ کے فائنل کے لئے کوالیفائی کر لیا۔

دبئی میں کھیلے جا رہے انڈر 19 ایشیا کپ کے سیمی فائنل مقابلوں میں  متحدہ عرب امارات ( یو اے ای) نے پاکستان جبکہ بنگلادیش نے بھارت کو شکست دے کر فائنل کے لیے کوالیفائی کرلیا، پہلے سیمی فائنل میں  یو اے ای نے شاندار کھیل کا مظاہرہ کیا اور پاکستان کو 11 نز سے شکست دے کر فائنل میں پہنچ گیا۔

یہ بھی پڑھیں: آسٹریلیا کیخلاف کیریئر کا پہلا ٹیسٹ میچ کھیلنے والے عامر جمال نے بڑا اعزاز اپنے نام کر لیا

پہلے سیمی فائنل میں پاکستان نے ٹاس جیت کر یو اے ای کو پہلے بیٹنگ کی دعوت دی تو یو اے ای کی پوری ٹیم 47.5 اوورز میں 193 رنز پر آؤٹ ہوگئی، یو اے ای کی جانب سے آیان افضل 55 اور آریانش شرما 46 رنز بناکر نمایاں رہے۔

گرین شرٹس کے عبید شاہ نے شانداربولنگ کا مظاہرہ کرتے ہوئے 4 کھلاڑیوں کو آؤٹ کیا جبکہ علی اسفند اور  عرفات منہاس نے2،2 وکٹیں لیں۔ 

Be it U-19 team or the main team, choking in Knockouts is permanent #U19AsiaCup
pic.twitter.com/e1SyuzJqWA

— Zain Ali (@_zaha2021) December 15, 2023

یو اے ای کے 194 رنز کے ہدف کے تعاقب میں پاکستان انڈر 19 ٹیم اچھا کھیل پیش نہ کرسکی اور بیٹرز لمبی اننگز کھیلتے ہوئے اپنی ٹیم کو جیت دلوانے میں ناکام رہے، ہدف کا تعاقب کرتے ہوئے یو اے ای کے خلاف پاکستان کی پوری ٹیم آخری اوور میں 182 رنز پر آل آؤٹ ہوگئی۔

???? BAN vs IND | Semi-Final | ACC U19s Asia Cup ????

Bangladesh U19s have made it to the ACC U19s Asia Cup Final - they have beaten India U19s comfortably by 4 wickets ✌️

IND U19s: 188 all out (42.4 overs)
BAN U19s: 189/6 (42.5 overs)

#CricketTwitter #BANvIND #U19AsiaCup pic.twitter.com/l62ivw8Lpn

— CricWick (@CricWick) December 15, 2023

دوسری جانب دوسرے سیمی فائنل میں بنگلادیش نے بھارت کو آؤٹ کلاس کرتے ہوئے شکست دے کر فائنل کے لیے کوالیفائی کیا، بنگلادیش نے بھارت کو 4 وکٹ سے شکست دی، بھارت کا  189 رنز کا ہدف بنگلادیش انڈر 19 ٹیم نے 42.5 اوورز میں حاصل کرلیا۔

خیال رہے کہ انڈر 19 ایشیا کپ کا فائنل اتوار کو بنگلادیش اور یو اے ای کے درمیان کھیلا جائے گا۔