(ویب ڈیسک)معروف اداکارہ اورمیزبان مشی خان نے ڈکی بھائی کی ویڈیوز کوشرمناک قرار دیتے ہوئے کہاہے کہ فیملی وی لاگنگ غلط نہیں لیکن اس میں بدتمیزی نہیں ہونی چاہیے۔
مشی خان نے ایک پوڈ کاسٹ میں شرکت کی جہاں گفتگوکرتے ہوئے کہا کہ یوٹیوبر شام ادریس اور زید علی کا کانٹینٹ بہت اچھا ہوا کرتا تھا،زید علی کا ’’براؤن مام‘‘ اور ’’براؤن بوائے‘‘منفرد اور لوگوں میں مقبول تھا،تاہم ان کے بعد آنے والے یوٹیوبرز نے وہ معیار برقرار نہیں رکھا۔
مشی خان نے ڈکی بھائی کی ویڈیوز پر تنقید کرتے ہوئے کہا کہ انہوں نے کئی سال پہلے ڈکی بھائی کی ایک ویڈیو دیکھی تھی، جس میں وہ گندی گالیاں دیتے ہوئے روسٹنگ کررہے تھے،بچے بھی ان کی ویڈیوز دیکھتے ہیں، میں نے صرف 5 سیکنڈ بعد ہی ویڈیو دیکھنا بند کردی تھی۔
مشی خان نے مزید کہا کہ ڈکی بھائی نے شام ادریس کے خلاف جو مہم چلائی، اس میں شام ادریس کو شدید نفرت کا سامنا کرنا پڑا لیکن مکافات عمل تو ہوتا ہے، اور سات سال بعد ڈکی بھائی خود ایکسپوز ہو گئے۔
مشی خان نے کہا کہ فیملی وی لاگنگ لوگوں کو پسند ہے کیونکہ ہمارے معاشرے میں دوسروں کے گھروں میں دلچسپی زیادہ ہوتی ہے،تاہم فیملی وی لاگز میں بدتمیزی نہیں ہونی چاہیے کیونکہ لوگ اسے دیکھ کر اپنے گھروں میں بھی ایسا کرنا شروع کردیتے ہیں۔
یہ بھی پڑھیں:احمد علی اکبر کی قوالی نائٹ کے بعد مہندی کی تصاویر اور ویڈیوز بھی آ گئیں
مشی نے بتایا کہ وہ جلد یوٹیوب پر فعال ہونے کا ارادہ رکھتی ہیں،انہوں نے بھارتی یوٹیوبر دھرو راٹھی کی تعریف کرتے ہوئے کہا کہ وہ بہت اچھا کانٹینٹ بناتے ہیں۔