(ویب ڈیسک) بالی ووڈ کے معروف مزاحیہ اداکار راجپال یادیو بھی پاکستانی اسٹارز کے معترف نکلے۔
بھارتی اداکار نے دبئی میں پاکستان یوٹیوبر کے پوڈ کاسٹ میں شرکت کی جس میں انہوں نے شوبز انڈسٹری سمیت پاکستان کے حوالے سے گفتگو کی۔
راج پال یادیو نےکہاکہ ہم ہر سال تقریباً 500 فلمیں بناتے ہیں جن میں کچھ انٹرٹینمنٹ اور کچھ ایکشن فلمز ہوتی ہیں لیکن آخر میں فلموں میں کام کرنے والے انسان ہیں اور اپنے کام سے جذبات کو دکھاتے ہیں، ان 500 فلموں میں سے صرف 2 فلمیں ایسی ہوتی ہیں جو تاریخ یا تنازع پر مبنی ہوتی ہے، میں نے اسی طرح کی ایک فلم کی تھی لیکن پختہ ہونے اور کامیابی حاصل کرنے کے بعد میں نے کسی ایسی فلم کا حصہ نہ بننے کا انتخاب کیا جس سے پاکستان یا بھارت دونوں کے جذبات مجروح ہوں۔
یہ بھی پڑھیں:بریک اپ، میک اپ اوررشتے ہی سب کچھ نہیں ہیں:عاطف اسلم
پاکستانی لیجنڈ کامیڈینز عمر شریف اور معین اختر کے حوالے سے گفتگو کرتے ہوئے بھارتی اداکار کاکہنا تھا کہ عمر شریف اور معین اختر اپنے فن کے بادشاہ تھے، ہم عمر شریف کی آڈیو کیسٹ سنتے تھے، وہ اسٹارز تھے اور قدرتی طور پر تخلیقی صلاحیتوں سے نوازے گئے تھے۔