ملک میں جاری دہشت گردی کا ماسٹر مائنڈ بھارت ہے: گورنر سندھ

(24 نیوز)گورنر سندھ کا کہنا ہے کہ ملک میں روپ بدل کر دہشتگردی جاری، ماسٹرمائنڈ بھارت ہے، بلوچستان کا واقعہ پہلا نہیں، پاکستان نے دہشتگردی کیخلاف جنگ میں 80 ہزار جانیں قربان کیں۔

گورنر سندھ کامران ٹیسوری نے کراچی کے علاقے بہادر آباد میں میڈیا سے گفتگو کرتے ہوئے کہا کہ ملک میں مختلف روپ بدل کردہشت گردی کی جارہی ہے، ساری دہشت گردی کاماسٹرمائنڈ بھارت ہے۔

مزید پڑھیں:بنوں کے 2 تھانوں اور چوکی پر دہشتگردوں کا حملہ  ناکام،جوابی کارروائی پر فرار

کامران ٹیسوری نے کہا کہ پاکستان نے دہشت گردی کےخلاف جنگ میں اسی ہزار سے زائد جانیں قربان کیں، معصوم شہریوں اور سکیورٹی فورسز نے قربانیاں دیں۔

گورنر سندھ نے کہا کہ یہ جو دہشت گردی ناکام ہوئی ہے، فورسز کی شہادتوں کی وجہ سے ہوئی ہے، آج قوم کو متحد ہو کر فورسز کے ساتھ ملکر دہشتگردی کو ناکام بنانا ہے۔

انھوں نے کہا کہ جب میں لندن کے دورے پرتھا تو 2 باتیں کی تھیں، میں نے کہا تھا یہ خوارج بھارتی ایجنٹ ہیں، یہ بلوچستان کا واقعہ نہ پہلا ہےاور نہ آخری ہے۔